اک پری کا پھر مجھے شیدا کیا

Ik pari ka phir mujhe shaida kiyaIshq ne phir mafsada barpa kiya

Aaj phir us shokh ne fuqra kiyaVaada-e-imroz bhi farda kiya

Khoon-e-nahaq ik musalman ka kiyaKya ghazab o shokh-e-be-parva kiya

Dil ko mail shola-ruyon ka kiyaDeen-e-Zardashti ko phir ahya kiya

Abr aksar is baras barsa kiyaKya tattabbu deeda-e-tar ka kiya

Kyun ajal kya tujh ko bhi maut aa gayiIs qadar aane mein kyun arsa kiya

Kan ki bijli jo yaad aayi teriBarq ke manind main tadpa kiya

Woh kaf-e-pa-e-hinayi kar ke yaadHijr ki shab ediyan ragda kiya

Us ko bhi sakta hua dekh aayinaDer tak hairat se munh dekha kiya

Khaak chhanni muddatoin tinke chuneKya kahoon is ishq mein kya kya kiya

Kal na paoge hamein kahiyo SafeerAaj aane mein agar heela kiya

Wan hue missi se lab un ke kaboodPeet kar munh hum ne yahan neela kiya

Tab uthe hain in buton ke hum se naazJab kaleja apna patthar ka kiya

Hai girah-e-mo-e-kamar ki naaf-e-yaarFikr ne apne ye uqda wa kiya

Laag paida kar ke ab jallad seJaan khoi haaye dil ne kya kya

Dantar pe bandha hum ne jaushan ki tarahHirz-e-jaan qatil tera chhala kiya

Mujh ko majnoon kar diya manind-e-QaisSihr kuchh aur ghairat-e-Laila kiya

Maarka mein ishq ke sarka na paunAabroo ko jaan ko sadqa kiya

Soz-e-furqat ne shararat mujh se kiHaizam-e-tar ki tarah sulga kiya

Aye shab-e-furqat na kar mujh par azaabMain ne tera munh nahin kala kiya

Zulf-e-jaanan jis ne dekhi ek baarDil se apne umr bhar uljha kiya

Is musibat se shab-e-furqat katiPaon peete aah ki naala kiya

Ishq-e-afshan jabeen-e-yaar meinKhaak chhalni ki tarah chhāna kiya

Tha munasib tark-e-ishq-e-yaar RindAap ne ansab kiya aula kiya