ہیں یہ سارے جیتے جی کے واسطے

Hain ye saare jeete ji ke waasteKaun marta hai kisi ke waaste

Aadmi sehta hai kya kya zillatainNafs-e-mardood-e-shaqi ke waaste

Hum bhi jaenge Sulaiman tak kabhiArz karne ik pari ke waaste

Dar badar kuchon mein hum bhi phir chukeEk husn-e-khanagi ke waaste

Kisht-e-zaar zafran se kam nahinRang zard apna hansi ke waaste

Kyun diye hain tu ne Qassam-e-azalRanj laakhon ek ji ke waaste

Do zakat-e-husn kuchh darvesh koHain bade rutbe sakhi ke waaste

Ek se ek hain, ek se le lakh takSaf shikan mard-e-jari ke waaste

Gham ne is darja kiya dil mein hujoomJaa nahin hai khurrami ke waaste

Aur kya ho yaar ki aankhon se kaamKhalq hain jadugari ke waaste

Yaad rakhna shart aur mashroot haiAadamiyat aadmi ke waaste

Ranj o andoh o malal o dard o ghamSadme hain ye aadmi ke waaste

Sabza-e-madfan uga tha kyun falakAahuon ki kya charri ke waaste

Lad gaye woh ek zara si baat meinPahron roothe ek ghadi ke waaste

Ji na ghabrae tera be-mashghaleIshq kar le dil lagi ke waaste

Kya mujhe paida kiya hai aye KhudaIn buton ki bandagi ke waaste

Be-kasi mere liye paida huiMain bana hoon be-kasi ke waaste

Bola murgh-e-nama bar ko kar ke zibhYe saza hai elchi ke waaste

Dhagdhagi mein jaan atki hai meriHaaye kis champa kali ke waaste

Bariyaab-e-khalwat-e-mahboob haiKya sharaf hai aarsi ke waaste

Marqad-e-teera mein kaafi hai mujheDaagh-e-sauda roshni ke waaste

Keejiye har dam abas tan parvariAye ajal kis zindagi ke waaste

Khama-e-qudrat ne kheenchi woh bhawenRaasti ye hai kaji ke waaste

Hashr ke din Rind ko bakhshaioYa Ali rooh-e-Nabi ke waaste