زلفیں چھوڑیں ہیں کہ جوڑا اس نے چھوڑا سانپ کادیکھیے کس کس کو ڈستا ہے یہ جوڑا سانپ کا
گورے گالوں پر ترے زلفیں یہ لہراتی نہیںیاسمیں زار صباحت میں ہے جوڑا سانپ کا
عشق ان زلفوں کا مجھ سے ترک ہونے کا نہیںہے مرا ہم زاد اے ناصح یہ جوڑا سانپ کا
دونوں زلفیں یار کی الٹی ہیں بالوں پر مرےوجد کرتا ہے صدائے نے یہ جوڑا سانپ کا
منڈ گئیں زلفیں ہیں شاعر کس سے اب دیں گے مثالہو گیا تشبیہ کی خاطر بھی توڑا سانپ کا
عمر بھر دل کو خیال گیسوئے پیچاں رہادھیان اس نادان نے ہرگز نہ چھوڑا سانپ کا
نقرئی موباف چوٹی میں رہا ان کی سداکینچلی نے عمر بھر پیچھا نہ چھوڑا سانپ کا
پڑ گئی ایذا دہندی کی تری زلفوں کو خوکاٹتا ہے اڑ کے عاشق کو یہ جوڑا سانپ کا
کچھ سمجھ کر رہا ہوں یار کی زلفوں کی داشتپالتا ہوں اپنے کٹوانے کو جوڑا سانپ کا
شام سے ان گیسوؤں کی یاد میں جو سو رہاخواب میں دیکھا کیا تا صبح جوڑا سانپ کا
عشق میں گیسو و ابرو کے اگر دینی ہے جاننیش عقرب کھا کے پی لے زہر تھوڑا سانپ کا
واسطے موذی کے آخر میں بھی موذی بن گیاسر کسی حالت میں بے کچلے نہ چھوڑا سانپ کا
عشق گیسو میں نہ قطرہ بھی تلف ہونے دیازہر سارا حلق میں میں نے نچوڑا سانپ کا
خط پہ آتے ہیں بہت لہرا کے گیسو یار کےسبزہ نوخیز پر غش ہے یہ جوڑا سانپ کا
حلقۂ گیسوئے شب کو ذرۂ افشاں چنیرات کو چن چن کے اک اک دانت توڑا سانپ کا
ہر قدم پر مار کر سر کر رہا ہے ناگ پیچاب چلن سیکھا ہے اس موذی نے تھوڑا سانپ کا
دشمن جانی کو اپنے دی نہ ایذا رندؔ نےدانت ہی توڑا نہ چھالا اس نے پھوڑا سانپ کا
— رند لکھنوی
Zulfain chhodi hain ke joda us ne chhoda saanp kaDekhiye kis kis ko dasta hai ye joda saanp ka
Gore gaalon par tere zulfain ye lehrati nahinYasmin-e-zaar-e-sabaahat mein hai joda saanp ka
Ishq un zulfon ka mujh se tark hone ka nahinHai mera humzad aye naaseh ye joda saanp ka
Donon zulfain yaar ki ulti hain balon par mereWajd karta hai sada-e-nay ye joda saanp ka
Mand gaeen zulfain hain shaa'ir kis se ab denge misalHo gaya tashbih ki khaatir bhi toda saanp ka
Umr bhar dil ko khayal-e-geesoo-e-pechan rahaDhyan is nadaan ne hargiz na chhoda saanp ka
Nuqrai moobaaf choti mein raha un ki sadaKainchli ne umr bhar peecha na chhoda saanp ka
Pad gai eeza dehandi ki teri zulfon ko khoKaat'ta hai ud ke aashiq ko ye joda saanp ka
Kuchh samajh kar raha huun yaar ki zulfon ki daashtPaalta huun apne katwane ko joda saanp ka
Sham se un geesuon ki yaad mein jo so rahaKhwab mein dekha kiya ta subh joda saanp ka
Ishq mein geesoo o abroo ke agar deni hai jaanNesh-e-aqrab kha ke pi le zehr thoda saanp ka
Waste moozi ke aakhir mein bhi moozi ban gayaSar kisi haalat mein be-kuchle na chhoda saanp ka
Ishq-e-geesoo mein na qatra bhi talaf hone diyaZehr saara halq mein main ne nichoda saanp ka
Khat pe aate hain bahut lehra ke geesoo yaar keSabza-e-nau-khez par ghish hai ye joda saanp ka
Halqa-e-geesoo-e-shab ko zarra-e-afshan chuniRaat ko chun chun ke ek ek daant toda saanp ka
Har qadam par maar kar sar kar raha hai naag pechAb chalan seekha hai is moozi ne thoda saanp ka
Dushman-e-jaani ko apne di na eeza Rind neDaant hi toda na chhala us ne phoda saanp ka