خدا کے واسطے اب بے رخی سے کام نہ لےتڑپ کے پھر کوئی دامن کو تیرے تھام نہ لے
بس ایک سجدۂ شکرانہ پائے ساقی پریہ مے کدہ ہے یہاں پر خدا کا نام نہ لے
وفا تو کیسی جفا بھی نہیں ہے اب ہم پراب اتنا سخت محبت سے انتقام نہ لے
زمانے بھر میں ہیں چرچے مری تباہی کےمیں ڈر رہا ہوں کہیں کوئی تیرا نام نہ لے
مٹا دو شوق سے مجھ کو مگر کہیں تم سےزمانہ میری تباہی کا انتقام نہ لے
میں جانوں جب کہ بجھا دے تو تشنگی دل کیوگرنہ آج سے دریا دلی کا نام نہ لے
نہیں وہ حسن جو عاشق کو شاد کام کرےنہیں وہ عشق جو ناکامیوں سے کام نہ لے
رکھوں امید کرم اس سے اب میں کیا ساحرؔکہ جب نظر سے بھی ظالم مرا سلام نہ لے
— ساحر بھوپالی
Khuda ke waaste ab be-rukhi se kaam na leTarap ke phir koi daaman ko tere thaam na le
Bas ek sajda-e-shukrana paaye saaqi parYe mai-kada hai yahan par Khuda ka naam na le
Wafa to kaisi jafa bhi nahin hai ab hum parAb itna sakht mohabbat se intiqam na le
Zamane bhar mein hain charche miri tabahi keMain dar raha hoon kahin koi tera naam na le
Mita do shauq se mujh ko magar kahin tum seZamana meri tabahi ka intiqam na le
Main jaanoon jab ke bujha de tu tishnagi dil kiWagarna aaj se darya-dili ka naam na le
Nahin wo husn jo aashiq ko shaad-kaam kareNahin wo ishq jo nakaamiyon se kaam na le
Rakhoon ummeed-e-karam us se ab main kya SahirKe jab nazar se bhi zaalim mira salaam na le
