جہان بھر کی تمام آنکھیں نچوڑ کر جتنا نم بنے گایہ کل ملا کر بھی ہجر کی رات میرے گریہ سے کم بنے گا
میں دشت ہوں یہ مغالطہ ہے نہ شاعرانہ مبالغہ ہےمرے بدن پر کہیں قدم رکھ کے دیکھ نقش قدم بنے گا
ہمارا لاشہ بہاؤ ورنہ لحد مقدس مزار ہوگییہ سرخ کرتا جلاؤ ورنہ بغاوتوں کا علم بنے گا
تو کیوں نہ ہم پانچ سات دن تک مزید سوچیں بنانے سے قبلمری چھٹی حس بتا رہی ہے یہ رشتہ ٹوٹے گا غم بنے گا
مجھ ایسے لوگوں کا ٹیڑھ پن قدرتی ہے سو اعتراض کیساشدید نم خاک سے جو پیکر بنے گا یہ طے ہے خم بنے گا
سنا ہوا ہے جہاں میں بے کار کچھ نہیں ہے سو جی رہے ہیںبنا ہوا ہے یقیں کہ اس رائیگانی سے کچھ اہم بنے گا
کہ شاہزادے کی عادتیں دیکھ کر سبھی اس پر متفق ہیںیہ جوں ہی حاکم بنا محل کا وسیع رقبہ حرم بنے گا
میں ایک ترتیب سے لگاتا رہا ہوں اب تک سکوت اپناصدا کے وقفے نکال اس کو شروع سے سن ردھم بنے گا
سفید رومال جب کبوتر نہیں بنا تو وہ شعبدہ بازپلٹنے والوں سے کہہ رہا تھا رکو خدا کی قسم بنے گا
— عمیر نجمی
Jahan bhar ki tamam aankhein nichod kar jitna nam bane gaYe kul mila kar bhi hijr ki raat mere girya se kam bane ga
Main dasht hoon ye maghalta hai na shairana mubalgha haiMere badan par kahin qadam rakh ke dekh naqsh-e-qadam bane ga
Hamara lasha bahao warna lahad muqaddas mazar hogiYe surkh kurta jalao warna baghawaton ka alam bane ga
To kyun na hum paanch saat din tak mazeed sochein banane se qablMeri chhathi hiss bata rahi hai ye rishta tootega gham bane ga
Mujh aise logon ka tedh pan qudrati hai so aitraaz kaisaShadeed nam khak se jo paikar bane ga ye tay hai kham bane ga
Suna hua hai jahan mein bekar kuchh nahin hai so jee rahe hainBana hua hai yaqeen ke is raigaani se kuchh aham bane ga
Ke shehzade ki aadatein dekh kar sabhi is par muttafiq hainYe jyun hi haakim bana mahal ka wasee raqba haram bane ga
Main ek tarteeb se lagata raha hoon ab tak sukoot apnaSada ke waqfe nikaal is ko shuroo se sun rhythm bane ga
Safed rumaal jab kabootar nahin bana to wo shobada-baazPalatne walon se keh raha tha ruko Khuda ki qasam bane ga
