سبھی کا دھوپ سے بچنے کو سر نہیں ہوتاہر آدمی کے مقدر میں گھر نہیں ہوتا
کبھی لہو سے بھی تاریخ لکھنی پڑتی ہےہر ایک معرکہ باتوں سے سر نہیں ہوتا
میں اس کی آنکھ کا آنسو نہ بن سکا ورنہمجھے بھی خاک میں ملنے کا ڈر نہیں ہوتا
مجھے تلاش کروگے تو پھر نہ پاؤ گےمیں اک صدا ہوں صداؤں کا گھر نہیں ہوتا
ہماری آنکھ کے آنسو کی اپنی دنیا ہےکسی فقیر کو شاہوں کا ڈر نہیں ہوتا
میں اس مکان میں رہتا ہوں اور زندہ ہوںوسیمؔ جس میں ہوا کا گزر نہیں ہوتا
— وسیم بریلوی
Sabhi ka dhoop se bachne ko sar nahin hotaHar aadmi ke muqaddar mein ghar nahin hota
Kabhi lahoo se bhi tareekh likhni padti haiHar ek ma'arka baaton se sar nahin hota
Main us ki aankh ka aansu na ban saka warnaMujhe bhi khak mein milne ka dar nahin hota
Mujhe talash karoge to phir na paogeMain ek sada hoon sadaon ka ghar nahin hota
Hamari aankh ke aansu ki apni duniya haiKisi faqeer ko shahon ka dar nahin hota
Main is makan mein rehta hoon aur zinda hoonWaseem jis mein hawa ka guzar nahin hota
