ابھی تو عشق میں ایسا بھی حال ہونا ہےکہ اشک روکنا تم سے محال ہونا ہے
ہر ایک لب پہ ہے میری وفا کے افسانےترے ستم کو ابھی لا زوال ہونا ہے
بجا کہ خواب ہیں لیکن بہار کی رت میںیہ طے ہے اب کے ہمیں بھی نہال ہونا ہے
تمہیں خبر ہی نہیں تم تو لوٹ جاؤ گےتمہارے ہجر میں لمحہ بھی سال ہونا ہے
ہماری روح پہ جب بھی عذاب اتریں گےتمہاری یاد کو اس دل کو ڈھال ہونا ہے
کبھی تو روئے گا وہ بھی کسی کی بانہوں میںکبھی تو اس کی ہنسی کو زوال ہونا ہے
ملیں گی ہم کو بھی اپنے نصیب کی خوشیاںبس انتظار ہے کب یہ کمال ہونا ہے
ہر ایک شخص چلے گا ہماری راہوں پرمحبتوں میں ہمیں وہ مثال ہونا ہے
زمانہ جس کے خم و پیچ میں الجھ جائےہماری ذات کو ایسا سوال ہونا ہے
وصیؔ یقین ہے مجھ کو وہ لوٹ آئے گااسے بھی اپنے کئے کا ملال ہونا ہے
— وصی شاہ
Abhi to ishq mein aisa bhi haal hona haiKe ashk rokna tum se muhal hona hai
Har ek lab pe hai meri wafa ke afsaneTere sitam ko abhi la-zawal hona hai
Baja ke khwab hain lekin bahar ki rut meinYeh tay hai ab ke hamein bhi nihaal hona hai
Tumhein khabar hi nahin tum to laut jaogeTumhare hijr mein lamha bhi saal hona hai
Humari rooh pe jab bhi azab utrengeTumhari yaad ko is dil ko dhaal hona hai
Kabhi to royega woh bhi kisi ki baanhon meinKabhi to us ki hansi ko zawal hona hai
Milenge hum ko bhi apne naseeb ki khushiyanBas intezar hai kab yeh kamaal hona hai
Har ek shakhs chalega humari raahon parMohabbaton mein hamein woh misaal hona hai
Zamana jis ke kham-o-pech mein ulajh jaayeHumari zaat ko aisa sawal hona hai
Wasi, yaqeen hai mujh ko woh laut aayegaUsay bhi apne kiye ka malaal hona hai
