کسی کی آنکھ سے سپنے چرا کر کچھ نہیں ملتامنڈیروں سے چراغوں کو بجھا کر کچھ نہیں ملتا
ہماری سوچ کی پرواز کو روکے نہیں کوئینئے افلاک پہ پہرے بٹھا کر کچھ نہیں ملتا
کوئی اک آدھ سپنا ہو تو پھر اچھا بھی لگتا ہےہزاروں خواب آنکھوں میں سجا کر کچھ نہیں ملتا
سکوں ان کو نہیں ملتا کبھی پردیس جا کر بھیجنہیں اپنے وطن سے دل لگا کر کچھ نہیں ملتا
اسے کہنا کہ پلکوں پر نہ ٹانکے خواب کی جھالرسمندر کے کنارے گھر بنا کر کچھ نہیں ملتا
یہ اچھا ہے کہ آپس کے بھرم نہ ٹوٹنے پائیںکبھی بھی دوستوں کو آزما کر کچھ نہیں ملتا
نہ جانے کون سے جذبے کی یوں تسکین کرتا ہوںبظاہر تو تمہارے خط جلا کر کچھ نہیں ملتا
فقط تم سے ہی کرتا ہوں میں ساری راز کی باتیںہر اک کو داستان دل سنا کر کچھ نہیں ملتا
عمل کی سوکھتی رگ میں ذرا سا خون شامل کرمرے ہمدم فقط باتیں بنا کر کچھ نہیں ملتا
اسے میں پیار کرتا ہوں تو مجھ کو چین آتا ہےوہ کہتا ہے اسے مجھ کو ستا کر کچھ نہیں ملتا
مجھے اکثر ستاروں سے یہی آواز آتی ہےکسی کے ہجر میں نیندیں گنوا کر کچھ نہیں ملتا
جگر ہو جائے گا چھلنی یہ آنکھیں خون روئیں گیوصیؔ بے فیض لوگوں سے نبھا کر کچھ نہیں ملتا
— وصی شاہ
Kisi ki aankh se sapne chura kar kuchh nahin miltaMundairon se charaghon ko bujha kar kuchh nahin milta
Hamari soch ki parwaaz ko roke nahin koiNaye aflaak pe pehre bitha kar kuchh nahin milta
Koi ik aadh sapna ho to phir achha bhi lagta haiHazaaron khwab aankhon mein saja kar kuchh nahin milta
Sukoon un ko nahin milta kabhi pardes ja kar bhiJinhein apne watan se dil laga kar kuchh nahin milta
Usay kehna ke palkon par na taanke khwab ki jhalarSamundar ke kinaare ghar bana kar kuchh nahin milta
Yeh achha hai ke aapas ke bharam na tootne paayenKabhi bhi doston ko aazma kar kuchh nahin milta
Na jaane kaun se jazbe ki yun taskeen karta hoonBazaahir to tumhare khat jala kar kuchh nahin milta
Faqat tum se hi karta hoon main saari raaz ki baateinHar ik ko daastaan-e-dil suna kar kuchh nahin milta
Amal ki sookhti rag mein zara sa khoon shaamil karMere humdam faqat baatein bana kar kuchh nahin milta
Usay main pyaar karta hoon to mujh ko chain aata haiWoh kehta hai usay mujh ko sata kar kuchh nahin milta
Mujhe aksar sitaron se yehi awaaz aati haiKisi ke hijr mein neendein ganwa kar kuchh nahin milta
Jigar ho jaayega chhalni yeh aankhein khoon roein giWasi be-faiz logon se nibha kar kuchh nahin milta