عمر کی اس ناؤ کا چلنا بھی کیا رکنا بھی کیاکرمک شب ہوں مرا جلنا بھی کیا بجھنا بھی کیا
اک نظر اس چشم تر کا میری جانب دیکھناآبشار نور کا پھر خاک پر گرنا بھی کیا
زخم کا لگنا ہمیں درکار تھا سو اس کے بعدزخم کا رسنا بھی کیا اور زخم کا بھرنا بھی کیا
تیرے گھر تک آ چکی ہے دور کے جنگل کی آگاب ترا اس آگ سے ڈرنا بھی کیا لڑنا بھی کیا
در دریچے وا مگر بازار گلیاں مہر بندایسے ظالم شہر میں جینا بھی کیا مرنا بھی کیا
تجھ سے اے سنگ صدا اس ریزہ ریزہ دور میںاک ذرا سے دل کی خاطر دوستی کرنا بھی کیا
— وزیر آغا
Umr ki is nao ka chalna bhi kya rukna bhi kyaKirmak-e-shab hoon mera jalna bhi kya bujhna bhi kya
Ek nazar us chashm-e-tar ka meri janib dekhnaAabshar-e-noor ka phir khaak par girna bhi kya
Zakhm ka lagna hamein darkaar tha so uske baadZakhm ka rasna bhi kya aur zakhm ka bharna bhi kya
Tere ghar tak aa chuki hai door ke jangal ki aagAb tera is aag se darna bhi kya ladna bhi kya
Dar dareeche wa magar bazaar galiyan mohar-bandAise zalim shahar mein jeena bhi kya marna bhi kya
Tujh se aye sang-e-sada is reza reza daur meinEk zara se dil ki khatir dosti karna bhi kya
