یہاں سب سے الگ سب سے جدا ہونا تھا مجھ کومگر کیا ہو گیا ہوں اور کیا ہونا تھا مجھ کو
ابھی اک لہر تھی جس کو گزرنا تھا سروں سےابھی اک لفظ تھا میں اور ادا ہونا تھا مجھ کو
پھر اس کو ڈھونڈنے میں عمر ساری بیت جاتیکوئی اپنی ہی گم گشتہ صدا ہونا تھا مجھ کو
پسند آیا کسی کو میرا آندھی بن کے اٹھناکسی کی رائے میں باد صبا ہونا تھا مجھ کو
وہاں سے بھی گزر آیا ہوں خاموشی میں اب کےجہاں اک شور کی صورت بپا ہونا تھا مجھ کو
در و دیوار سے اتنی محبت کس کے لیے تھیاگر اس قید خانے سے رہا ہونا تھا مجھ کو
میں اپنی راکھ سے بے شک دوبارہ سر اٹھاتامگر اک بار تو جل کر فنا ہونا تھا مجھ کو
میں اندر سے کہیں تبدیل ہونا چاہتا تھاپرانی کینچلی میں ہی نیا ہونا تھا مجھ کو
ظفرؔ میں ہو گیا کچھ اور ورنہ اصل میں توبرا ہونا تھا مجھ کو یا بھلا ہونا تھا مجھ کو
— ظفراقبال
Yahan sab se alag sab se juda hona tha mujh koMagar kya ho gaya huun aur kya hona tha mujh ko
Abhi ek lehr thi jis ko guzarna tha saron seAbhi ek lafz tha main aur ada hona tha mujh ko
Phir us ko dhundhne mein umr sari beet jatiKoi apni hi gum-gashta sada hona tha mujh ko
Pasand aaya kisi ko mera aandhi ban ke uthnaKisi ki raye mein baad-e-saba hona tha mujh ko
Wahan se bhi guzar aaya huun khamoshi mein ab keJahan ek shor ki surat bapa hona tha mujh ko
Dar-o-dewar se itni mohabbat kis ke liye thiAgar is qaid-khane se riha hona tha mujh ko
Main apni rakh se be-shak dobara sar uthataMagar ek bar to jal kar fana hona tha mujh ko
Main andar se kahin tabdeel hona chahta thaPurani kainchli mein hi naya hona tha mujh ko
Zafar main ho gaya kuch aur warna asl mein toBura hona tha mujh ko ya bhala hona tha mujh ko
