کلام کر ! حسین شخص !دیکھ ! آسماں کے کان بھی لٹک گئے !
سماعتیں تری صدائے سبز کی تلاش میں بھٹک رہی ہیں دیر سے !کلام کر ! اے مہ جبین شخص !
مجھ سے آج میرے گھر کی کھڑکیاں، دیوار و در یہ کہہ رہے ہیں !کوئی رمزِ ہجر آشکار کر نہیں رہا !
چلو ہزار بار نا سہی تو ایک بار کر نہیں رہا !کلام تیرا یار کر نہیں رہا !
کلام کر ! اے شہرِ قلب کے مکین شخص !تُو تو جانتا نہیں کہ تو نے اضطراب کا سکون کس قدر تباہ کر دیا !
سکوت کا جو حبس ہے ! اسی کو بے پناہ کر دیا !سفید گفتگو کا رنگ بھی سیاہ کر دیا !
کلام کر ! ذہین شخص !تُو نے ہی کبھی مجھے کہا تھا ! 'پُر یقین شخص'
دیکھ ! تیری چپ مرا یقین کھا گئی !یہی تو میرا آسماں ! مری زمین کھا گئی !
یہ میں / یہ میرا سب تو اک طرف !تری یہ چُپ تمام سامعین کھا گئی !
کلام کر ! اے بہتروں میں بہترین شخص !دیکھ ! میرا ضبط اب ہوا کی بد زبانیوں سے ٹوٹ جائے گا !
کوئی بھی سنگ اب مری صدا کے راستے میں آ گیا تو ٹوٹ جائے !سماعتوں کے پاؤں میں جو آبلہ ہے پھوٹ جائے گا !
یہ بد عقیدہ ! بے ایمان ! بد چلن ہوا بھی مجھ سے کہہ رہی ہے !اب مدھر صدا کی خوشبوئیں فضا میں گھولتا نہیں !
سُروں کو ٹولتا نہیں !جنوں کا بھید کھولتا نہیں !
سماعتیں بہت اداس ہو گئی ہیں زین !تیرا یار بولتا نہیں ؟
کلام کر !کہ اب تمام بد زباں صداؤں کو زوال ہو !
سماعتیں جو تیرے واسطے ترس گئی ہیں !ان کا دور اب ملال ہو !
جو ہو نہیں رہا ہے ! 'وہ' کمال ہو !کلام کر !
کہ اب تمام بے قراریوں کی خیر ہو !تمام ساعتوں کی آہ و زاریوں کی خیر ہو !
سماعتوں کی انتظاریوں کی خیر ہو !تری صدا کی پردہ داریوں کی خیر ہو !
— زین شکیل
Kalaam kar ! Haseen shakhs !Dekh ! Aasman ke kaan bhi latak gaye !
Sama'atein teri sada-e-sabz ki talaash mein bhatak rahi hain der se !Kalaam kar ! Ae mehjabeen shakhs !
Mujh se aaj mere ghar ki khidkiyan, deewar o dar yeh keh rahe hain !Koi ramz-e-hijr ashkaar kar nahin raha !
Chalo hazaar baar na sahi to ek baar kar nahin raha !Kalaam tera yaar kar nahin raha !
Kalaam kar ! Ae shahar-e-qalb ke makeen shakhs !Tu to jaanta nahin ke tu ne iztiraab ka sukoon kis qadar tabah kar diya !
Sukoot ka jo habs hai ! Isi ko be-panah kar diya !Safed guftugu ka rang bhi siyah kar diya !
Kalaam kar ! Zaheen shakhs !Tu ne hi kabhi mujhe kaha tha ! 'Pur yaqeen shakhs'
Dekh ! Teri chup mera yaqeen kha gayi !Yahi to mera aasman ! Meri zameen kha gayi !
Yeh main / yeh mera sab to ek taraf !Teri yeh chup tamaam samayeen kha gayi !
Kalaam kar ! Ae behtareenon mein behtareen shakhs !Dekh ! Mera zabt ab hawa ki bad-zubaniyon se toot jaayega !
Koi bhi sang ab meri sada ke raaste mein aa gaya to toot jaaye !Sama'aton ke paaon mein jo aabla hai phoot jaayega !
Yeh bad-aqeeda ! Be-imaan ! Bad-chalan hawa bhi mujh se keh rahi hai !Ab madhur sada ki khushbooyein fiza mein gholta nahin !
Suroon ko tolta nahin !Junoon ka bhed kholta nahin !
Sama'atein bahut udaas ho gayi hain Zain !Tera yaar bolta nahin ?
Kalaam kar !Ke ab tamaam bad-zubaan sadaon ko zawaal ho !
Sama'atein jo tere waaste taras gayi hain !Un ka daur ab malaal ho !
Jo ho nahin raha hai ! 'Woh' kamaal ho !Kalaam kar !
Ke ab tamaam be-qarariyon ki khair ho !Tamaam saa'aton ki aah-o-zaariyon ki khair ho !
Sama'aton ki intizaariyon ki khair ho !Teri sada ki parda-daariyon ki khair ho !
