ہمیں دکھ رہا تو یہی رہا ہمیں لب نچوڑنے پڑ گئے – زین شکیل

ہمیں دکھ رہا تو یہی رہا ہمیں لب نچوڑنے پڑ گئےجو تری صِفَت کے خلاف تھے، وہی لفظ بولنے پڑ گئے

میں کہوں حیات ہے مختصر، وہ مری وفات کے منتظرانہیں پھر یقین نہیں ہوا، انہیں عہد توڑنے پڑ گئے

میں جرید باطنِ حُزن میں جو گیا پلٹ کے نہ آ سکامیں نہیں رہا ہوں تو اب تجھے، مرے درد بانٹنے پڑ گئے

تُو رہینِ لہجہِ عشق تھا، تجھے کیسے تُرش دُعا لگییونہی گفتگو میں نجانے کیوں تجھے زہر گھولنے پڑ گئے

تری کَج کلاہی ہری رہے، تری دیوتائی کی خیر ہوہمیں جتنے تیرے فُیُوض تھے، تجھے عین موڑنے پڑ گئے

وہ سرودِ دل کا طلسم تھا، کہ تجھی کو حرف نہیں ملے؟تُو تَو وجد میں بھی رہا ہے چُپ، تجھے شبد سوچنے پڑ گئے

جو امیدِ درمنِ وقت تھی، وہ تو نذرِ سانحہ ہو گئیکبھی ہجر پا کے سَفَل ہوئے، کبھی وصل کاٹنے پڑ گئے

ذرا اشتہائے وصال سُن، ترے سکھ کا خانہ خراب ہوترا ہاتھ تھامنے والڑوں کو سلوک جھیلنے پڑ گئے

وہ جو مجھ سے کہتا تھا زین جی، تمہیں کب سے پروا ہے دہر کیذرا اس کے سر پہ پڑی تو پھر، اسے لوگ دیکھنے پڑ گئے

— زین شکیل

کس نے پڑھا

یہ کلام محفلوں میں