چلو اس کوہ پر اب ہم بھی چڑھ جائیںجہاں پر جا کے پھر کوئی بھی واپس نہیں آتا
سنا ہے اک ندائے اجنبی باہوں کو پھیلائےجو آئے اس کا استقبال کرتی ہے
اسے تاریکیوں میں لے کے آخر ڈوب جاتی ہےیہی وہ راستہ ہے جس جگہ سایہ نہیں جاتا
جہاں پر جا کے پھر کوئی کبھی واپس نہیں آتاجو سچ پوچھو تو ہم تم زندگی بھر ہارتے آئے
ہمیشہ بے یقینی کے خطر سے کانپتے آئےہمیشہ خوف کے پیراہنوں سے اپنے پیکر ڈھانکتے آئے
ہمیشہ دوسروں کے سائے میں اک دوسرے کو چاہتے آئےبرا کیا ہے اگر اس کوہ کے دامن میں چھپ جائیں
جہاں پر جا کے پھر کوئی کبھی واپس نہیں آتاکہاں تک اپنے بوسیدہ بدن محفوظ رکھیں گے
کسی کے ناخنوں ہی کا مقدر جاگ لینے دوکہاں تک سانس کی ڈوری سے رشتے جھوٹ کے باندھیں
کسی کے پنجۂ بے درد ہی سے ٹوٹ جانے دوپھر اس کے بعد تو بس اک سکوت مستقل ہوگا
نہ کوئی سرخ رو ہوگا، نہ کوئی منفعل ہوگا
— زہرا نگاہ
Chalo us koh par ab hum bhi chadh jaayenJahan par jaa ke phir koi bhi wapas nahin aata
Suna hai ik nida-e-ajnabi baahon ko phailaayeJo aaye us ka istaqbal karti hai
Use tareekiyon mein le ke akhir doob jaati haiYahi woh raasta hai jis jagah saaya nahin jaata
Jahan par jaa ke phir koi kabhi wapas nahin aataJo sach poocho to hum tum zindagi bhar haarte aaye
Hamesha be-yaqeeni ke khatar se kaanpte aayeHamesha khauf ke pairahanon se apne paikar dhaankte aaye
Hamesha doosron ke saaye mein ik doosre ko chahte aayeBura kya hai agar is koh ke daaman mein chhup jaayen
Jahan par jaa ke phir koi kabhi wapas nahin aataKahan tak apne boosida badan mahfuz rakhein ge
Kisi ke nakhunon hi ka muqaddar jaag lene doKahan tak saans ki dori se rishte jhoot ke baandhein
Kisi ke panja-e-be-dard hi se toot jaane doPhir us ke baad to bas ek sukoot mustaqil hoga
Na koi surkh-roo hoga, na koi munfa'il hoga
