شام لوٹ آئی گھنی تاریکیاب نہ آئے گی خبر راہی کی
جاگی تاروں کی ہر اک راہ گزاردور اڑتا نظر آتا ہے غبار
آپ کی باتیں ہیں کتنی پھیکیکس کی راہ تکتی ہو کون آنے لگا
کیا تمہیں بھی کوئی بہکانے لگاان کی آنکھیں ہیں کہ خوابوں کا فسوں
ان کی باتیں ہیں کہ الفت کا جنوںآپ کو کاہے کا غم کھانے لگا
نیم شب نیند کے ماتے تارےراہ تک تک کے کسی کی ہارے
کس قدر سچی تھیں ان کی باتیںان کے ساتھ آئی گئی تھیں راتیں
آپ کے ہاتھ ہیں یا انگارےمیں بھی سمجھی تھی اسے دل کے قریب
میری معصوم بہن میری رقیبکیا کہا آپا نہیں چپ رہیے
اچھا کہہ ڈالیے کہیے کہیےآپ کی آنکھیں ہیں کس قدر مہیب
صبح رک رک کے ستارے ڈوبےغم نہ کھاؤ کہ جو ہارے ڈوبے
آپا جی بھر کے مجھے رونے دیںغم کی موجوں میں فنا ہونے دیں
کون ساحل کے سہارے ڈوبے
— ضیاء جالندھری
Sham laut aai ghani tarikiAb na aaegi khabar rahi ki
Jagi taron ki har ek rah-guzarDur udta nazar aata hai ghubar
Aap ki baaten hain kitni phikiKis ki rah takti ho kaun aane laga
Kya tumhein bhi koi bahkane lagaUn ki aankhen hain ki khwabon ka fusun
Un ki baaten hain ki ulfat ka jununAap ko kahe ka gham khane laga
Nim-shab nind ke mate tareRah tak tak ke kisi ki haare
Kis qadar sachchi thin un ki baatenUn ke sath aai gai thin raaten
Aap ke hath hain ya angareMain bhi samjhi thi use dil ke qarib
Meri masum bahan meri raqibKya kaha aapa nahin chup rahiye
Achchha kah daliye kahiye kahiyeAap ki aankhen hain kis qadr muhib
Subh ruk ruk ke sitare dubeGham na khao ki jo haare dube
Aapa ji bhar ke mujhe rone denGham ki maujon mein fana hone den
Kaun sahil ke sahaare dube