کہی ان کہی | Kahi an-kahi – ضیاء جالندھری

لفظ تصویریں بناتے ترے ہونٹوں سے اٹھے تھے لیکندیکھتے دیکھتے تحلیل ہوئے

ان کی حدت مری رگ رگ میں رواں تھی سو رہیپھر ترے ہاتھوں کا لمس ایسے ملائم الفاظ

تیری آنکھوں کی چمک روشن و مبہم الفاظاور وہ لفظ جو لفظوں میں نہاں رہتے ہیں

اور وہ لفظ کہ اظہار کے محتاج نہیںپھر بھی ہیں ان کے لیے گوش بر آواز سبھی

ان کے ہم راز سبھیسب سنے میں نے مگر آخر کار

سبھی تحلیل ہوئےلفظ پھر روپ بدل کر مرے دل میں لرزے

شوق اظہار میں بے تاب ہوئےلفظ اظہار میں صورت ہی بدل لیتے ہیں

جانے کیا بات تھی کیا سمجھے لوگہر کوئی اپنے ہی لفظوں میں مگن

ہر کوئی اپنے ہی رس رنگ میں گمہر کوئی اپنے ہی آہنگ میں گم

اور پھر لفظ کہ رہتے ہیں گریزاں خود سےکون سنتا ہے انہیں؟ کون سمجھتا ہے انہیں؟

جانے کیا بات تھی کیا تو نے سنیاپنے اظہار پہ نادم تھا پشیمان تھا میں

اپنی ہی بات پہ حیران تھا میںپھر مری بات بھی تحلیل ہوئی

جیسے تو بھول گئی جیسے جہاں بھول گیااور اب میں ہوں وہ اک لفظ غریب

کوئی پوچھے بھی تو چپ رہتا ہوں

— ضیاء جالندھری