کتنے امکاں تھے جو خوابوں کے سہارے دیکھے – ضیاء جالندھری

کتنے امکاں تھے جو خوابوں کے سہارے دیکھےماورا تھے جو نظر سے وہ نظارے دیکھے

پردے اٹھتے گئے آنکھوں سے تو رفتہ رفتہبرگ گل برف میں پتھر میں شرارے دیکھے

دل پہ اس وقت کھلا حوصلۂ غم کا جمالاپنے ہر رنگ میں جب روپ تمہارے دیکھے

آسرے جاتے رہے آس ابھی باقی ہےپو بھی پھوٹے گی جہاں ڈوبتے تارے دیکھے

دل کو خوں کرنے کی حسرت ہو اسے بھی شایدصاحب سادہ اگر رنگ ہمارے دیکھے

خوب و نا خوب میں کیا فرق کریں ہم کہ یہاںجب ہوا پلٹی تو مڑتے ہوئے دھارے دیکھے

مجھے اس بزم میں کہنا تو بہت کچھ تھا ضیاؔبجھ گئے لفظ جب آنکھوں کے اشارے دیکھے

— ضیاء جالندھری