آنکھوں پہ شب رقم بھی نہیں کر سکوں گا میںاے خواب تیرا غم بھی نہیں کر سکوں گا میں
اک مستقل سفر ہے تری آرزو مجھےاور خود کو تازہ دم بھی نہیں کر سکوں گا میں
اس کو خدا بنانے کی ضد پر اڑا ہے تواے دل جسے صنم بھی نہیں کر سکوں گا میں
سبزہ بھی چاہتی ہیں تصور کی خاک پروہ آنکھیں جن کو نم بھی نہیں کر سکوں گا میں
اک جان ہے جو نذر گزاری نہ جائے گیاک سر ہے جس کو خم بھی نہیں کر سکوں گا میں
تیری کمی میں روز اضافہ کرے گی عمراور اس کمی کو کم بھی نہیں کر سکوں گا میں
— ابھیشک شکلا
Aankhon pe shab raqam bhi nahin kar sakoon ga mainAe khwaab tera gham bhi nahin kar sakoon ga main
Ik mustaqil safar hai teri aarzoo mujheAur khud ko taaza dam bhi nahin kar sakoon ga main
Us ko khuda banaane ki zid par ara hai toAe dil jise sanam bhi nahin kar sakoon ga main
Sabza bhi chaahti hain tasavvur ki khaak parWoh aankhein jin ko nam bhi nahin kar sakoon ga main
Ik jaan hai jo nazar guzaari na jaaye giIk sar hai jis ko kham bhi nahin kar sakoon ga main
Teri kami mein roz izaafa kare gi umrAur is kami ko kam bhi nahin kar sakoon ga main