ابھی تو آپ ہی حائل ہے راستا شب کاقریب آئے تو دیکھیں گے حوصلہ شب کا
چلی تو آئی تھی کچھ دور ساتھ ساتھ مرےپھر اس کے بعد خدا جانے کیا ہوا شب کا
مرے خیال کے وحشت کدے میں آتے ہیجنوں کی نوک سے پھوٹا ہے آبلہ شب کا
سحر کی پہلی کرن نے اسے بکھیر دیامجھے سمیٹنے آیا تھا جب خدا شب کا
زمیں پہ آ کے ستاروں نے یہ کہا مجھ سےترے قریب سے گزرا ہے قافلہ شب کا
سحر کا لمس مری زندگی بڑھا دیتامگر گراں تھا بہت مجھ پہ کاٹنا شب کا
کبھی کبھی تو یہ وحشت بھی ہم پہ گزری ہےکہ دل کے ساتھ ہی دیکھا ہے ڈوبنا شب کا
چٹخ اٹھی ہے رگ جاں تو یہ خیال آیاکسی کی یاد سے جڑتا ہے سلسلہ شب کا
— ابھیشک شکلا
Abhi to aap hi hail hai rasta shab kaQareeb aaye to dekhen ge hausla shab ka
Chali to aayi thi kuchh door saath saath merePhir us ke baad Khuda jaane kya hua shab ka
Mere khayal ke wahshat-kade mein aate hiJunoon ki nok se phoota hai aabla shab ka
Sahar ki pehli kiran ne use bikher diyaMujhe sametne aaya tha jab Khuda shab ka
Zameen pe aa ke sitaron ne yeh kaha mujh seTere qareeb se guzra hai qafila shab ka
Sahar ka lams meri zindagi barha detaMagar garan tha bahut mujh pe kaatna shab ka
Kabhi kabhi to yeh wahshat bhi hum pe guzri haiKe dil ke saath hi dekha hai doobna shab ka
Chatakh uthi hai rag-e-jaan to yeh khayal aayaKisi ki yaad se jurta hai silsila shab ka