ہر شخص پریشان سا حیراں سا لگے ہےسائے کو بھی دیکھوں تو گریزاں سا لگے ہے
کیا آس تھی دل کو کہ ابھی تک نہیں ٹوٹیجھونکا بھی ہوا کا ہمیں مہماں سا لگے ہے
خوشبو کا یہ انداز بہاروں میں نہیں تھاپردے میں صبا کے کوئی ارماں سا لگے ہے
سونپی گئی ہر دولتِ بیدار اسی کویہ دل جو ہمیں آج بھی ناداں سا لگے ہے
آنچل کا جو تھا رنگ وہ پلکوں پہ رچا ہےصحرا میری آنکھوں کو گلستاں سا لگے ہے
پندار نے ہر بار نیا دیپ جلایاجو چوٹ بھی کھائی ہے وہ احساں سا لگے ہے
ہر عہد نے لکھی ہے میرے غم کی کہانیہر شہر میرے خواب کا عنواں سا لگے ہے
تجھ کو بھی ادا جرأتِ گفتار ملی ہےتو بھی تو مجھے حرفِ پریشاں سا لگے ہے
— ادا جعفری
Har shakhs pareshan sa hairan sa lage haiSaye ko bhi dekhun to gurezan sa lage hai
Kya aas thi dil ko ke abhi tak nahin tootiJhonka bhi hawa ka hamein mehman sa lage hai
Khushboo ka yeh andaaz baharon mein nahin thaParde mein saba ke koi armaan sa lage hai
Sounpi gayi har daulat-e-bedar isi koYeh dil jo hamein aaj bhi nadaan sa lage hai
Aanchal ka jo tha rang wo palkon pe racha haiSahra meri aankhon ko gulistan sa lage hai
Pindaar ne har baar naya deep jalayaJo chot bhi khayi hai wo ehsaan sa lage hai
Har ahad ne likhi hai mere gham ki kahaniHar shahar mere khwab ka unwan sa lage hai
Tujhe ko bhi Ada jurrat-e-guftar mili haiTu bhi to mujhe harf-e-pareshan sa lage hai
