جو چراغ سارے بجھا چکے انہیں انتظار کہاں رہایہ سکوں کا دور شدید ہے کوئی بے قرار کہاں رہا
جو دعا کو ہاتھ اٹھائے بھی تو مراد یاد نہ آ سکیکسی کارواں کا جو ذکر تھا وہ پس غبار کہاں رہا
یہ طلوع روز ملال ہے سو گلہ بھی کس سے کریں گے ہمکوئی دل ربا کوئی دل شکن کوئی دل فگار کہاں رہا
کوئی بات خواب و خیال کی جو کرو تو وقت کٹے گا ابہمیں موسموں کے مزاج پر کوئی اعتبار کہاں رہا
ہمیں کو بہ کو جو لیے پھری کسی نقش پا کی تلاش تھیکوئی آفتاب تھا ضو فگن سر رہ گزار کہاں رہا
مگر ایک دھن تو لگی رہی نہ یہ دل دکھا نہ گلہ ہواکہ نگہ کو رنگ بہار پر کوئی اختیار کہاں رہا
سر دشت ہی رہا تشنہ لب جسے زندگی کی تلاش تھیجسے زندگی کی تلاش تھی لب جوئبار کہاں رہا
— ادا جعفری
Jo chiragh saare bujha chuke unhein intezar kahan rahaYeh sukoon ka daur shadeed hai koi beqarar kahan raha
Jo dua ko haath uthaye bhi to muraad yaad na aa sakiKisi karwaan ka jo zikr tha wo pas-e-ghubar kahan raha
Yeh taloo-e-roz-e-malaal hai so gila bhi kis se karein ge humKoi dilruba koi dilshikan koi dilfagar kahan raha
Koi baat khwab o khayal ki jo karo to waqt katega abHamein mausamon ke mizaaj par koi aitbar kahan raha
Hamein ku ba ku jo liye phiri kisi naqsh-e-paa ki talash thiKoi aftab tha zaufagan sar-e-reh-guzar kahan raha
Magar ek dhun to lagi rahi na yeh dil dukha na gila huaKe nigah ko rang-e-bahar par koi ikhtiyar kahan raha
Sar-e-dasht hi raha tishna lab jise zindagi ki talash thiJise zindagi ki talash thi lab-e-jooyebar kahan raha
