میں نے گل ریز بہاروں کی تمنا کی تھیمجھے افسردہ نگاہوں کے سوا کچھ نہ ملا
چند سہمی ہوئی آہوں کے سوا کچھ نہ ملاجگمگاتے ہوئے تاروں کی تمنا کی تھی
میں نے موہوم امیدوں کی پناہیں ڈھونڈیںشدت یاس میں مبہم سا اشارہ نہ ملا
ڈگمگاتے ہوئے قدموں کو سہارا نہ ملاہائے کس دشت بلا خیز میں راہیں ڈھونڈیں
اب فسوں ساز بہاروں سے مجھے کیا مطلبآج ہی میری نگاہوں میں وہ منظر توبہ
میں نے دیکھے ہیں لپکتے ہوئے نشتر توبہخلد بر دوش نظاروں سے مجھے کیا مطلب
آسماں نور کے نغمات سے معمور سہیمیں نے گھٹتی ہوئی چیخوں کے سنے ہیں نوحے
ہائے وہ اشک جو پلکوں سے ڈھلک بھی نہ سکےزندگی حسن و جوانی سے ابھی چور سہی
کبھی ضو پاش ستاروں کی تمنا تھی مجھےآج ذروں کو بھی مقصود بنا رکھا ہے
آج کانٹوں کو کلیجے سے لگا رکھا ہےکبھی گل ریز بہاروں کی تمنا تھی مجھے
— ادا جعفری
Main ne gulrez baharon ki tamanna ki thiMujhe afsurda nigahon ke siwa kuch na mila
Chand sehmi hui aahon ke siwa kuch na milaJagmagate hue taaron ki tamanna ki thi
Main ne mohoom ummeedon ki panahin dhoondheenShiddat-e-yaas mein mubham sa isharah na mila
Dagmagate hue qadmon ko sahara na milaHaaye kis dasht-e-bala-khez mein rahein dhoondheen
Ab fasoon-saaz baharon se mujhe kya matlabAaj hi meri nigahon mein wo manzar tauba
Main ne dekhe hain lapakte hue nishtar taubaKhuld bar dosh nazaron se mujhe kya matlab
Aasmaan noor ke naghmat se mamoor sahiMain ne ghat'ti hui cheekhon ke sune hain nauhe
Haaye wo ashk jo palkon se dhalak bhi na sakeZindagi husn o jawani se abhi choor sahi
Kabhi zau-paash sitaron ki tamanna thi mujheAaj zarron ko bhi maqsood bana rakha hai
Aaj kaanton ko kaleje se laga rakha haiKabhi gulrez baharon ki tamanna thi mujhe
