آسماں پر چھا رہا ہے ابر پاروں کا ہجوم!نو بہاروں کا ہجوم
آہ یہ رنگین آوارہ نظاروں کا ہجومکوہساروں کا ہجوم
بدلیاں ہیں یا کسی کے بھولے بسرے خواب ہیںبے خود و بیتاب ہیں!
یا ہوا پر تیرتا ہے رود باروں کا ہجومآبشاروں کا ہجوم
پھرتی ہیں آوارہ متوالی گھٹائیں اس طرحاور ہوائیں اس طرح
جھومتا پھرتا ہو جیسے مے گساروں کا ہجومبادہ خواروں کا ہجوم
وادیٔ گنگا ہے، برکھا رت ہے، کالی رات ہےرات ہے برسات ہے
اور فضا میں تیرنے والے نظاروں کا ہجومنشہ زاروں کا ہجوم
نیلگوں پریاں افق میں پر ہیں پھیلائے ہوئےبال بکھرائے ہوئے
یا امنڈ آیا ہے ساون کی بہاروں کا ہجومابر پاروں کا ہجوم
ننھی ننھی بوندیں گرتی ہیں حجاب ابر سےیا نقاب ابر سے
چھن رہا ہے قطرے بن بن کر ستاروں کا ہجومنور پاروں کا ہجوم
یہ گھٹائیں ہیں کہ خوابوں کے سفینے ہیں رواںبے قرینے ہیں رواں
بادبانوں میں چھپائے چشمہ ساروں کا ہجومجوے باروں کا ہجوم
بجلی ہے یا نور کی زنجیر لہرائی ہوئیپیچ و خم کھائی ہوئی
یا خمیدہ مرمریں پھولوں کے ہاروں کا ہجوماور ستاروں کا ہجوم
یہ سماں بجلی کا یہ مہتاب کی سی وادیاںخواب کی سی وادیاں
نشے میں بھیگا ہوا یہ سبزہ زاروں کا ہجومکوہساروں میں خوشی کی بستیاں آباد ہیں
مستیاں آباد ہیںچار سو بکھرا پڑا ہے سبزہ زاروں کا ہجوم
مرغزاروں کا ہجومیوں نظر آتے ہیں کہسار مسوری دور سے
مست سے مخمور سےجوں سمندر سے جزیروں کی قطاروں کا ہجوم
سبزہ زاروں کا ہجومیہ سفر، یہ رات، یہ برسات اور پھر ہم سفر
الامان و الحذرایک حسن یاسمیں رنگیں بہاروں کا ہجوم
ماہ پاروں کا ہجومیہ سہانے منظر اختر مدتوں یاد آئیں گے
مدتوں تڑپائیں گےآہ یہ رات، اف یہ مستانہ نظاروں کا ہجوم
یہ بہاروں کا ہجوم
— اختر شیرانی
Aasman par chha raha hai abr-e-paaron ka hujoom!Nau-baharon ka hujoom
Aah yeh rangeen aawara nazaron ka hujoomKohsaron ka hujoom
Badliyan hain ya kisi ke bhoole bisre khwab hainBe-khud o betaab hain!
Ya hawa par tairta hai rud-e-baron ka hujoomAabsharon ka hujoom
Phirti hain aawara matwali ghataen is tarahAur hawaen is tarah
Jhoomta phirta ho jaise mai-gusaron ka hujoomBada-khwaron ka hujoom
Waadi-e-Ganga hai, barkha rut hai, kaali raat haiRaat hai barsaat hai
Aur faza mein tairne wale nazaron ka hujoomNasha zaron ka hujoom
Neeli goo'n pariyan ufuq mein par hain phailaye hueBaal bikhraye hue
Ya umad aaya hai saawan ki baharon ka hujoomAbr-e-paaron ka hujoom
Nannhi nannhi boondein girti hain hijab-e-abr seYa niqaab-e-abr se
Chhan raha hai qatre ban ban kar sitaron ka hujoomNoor paaron ka hujoom
Yeh ghataen hain ke khwabon ke safeene hain rawaanBe-qareene hain rawaan
Badbanon mein chhupaye chashma-saron ka hujoomJuye baro'n ka hujoom
Bijli hai ya noor ki zanjeer lehrayi huiPech o kham khayi hui
Ya khameeda marmareen phoolon ke haro'n ka hujoomAur sitaron ka hujoom
Yeh samaan bijli ka yeh mahtaab ki si wadiyanKhwab ki si wadiyan
Nashe mein bheega hua yeh sabza zaron ka hujoomKohsaron mein khushi ki bastiyan aabaad hain
Mastiyan aabaad hainChaar soo bikhra pada hai sabza zaron ka hujoom
Marghzaron ka hujoomYoon nazar aate hain kohsar Mussoorie door se
Mast se makhmur seJoon samandar se jazeron ki qitaron ka hujoom
Sabza zaron ka hujoomYeh safar, yeh raat, yeh barsaat aur phir humsafar
Al-aman o al-hazarEk husn-e-yasmeen rangeen baharon ka hujoom
Maah paaron ka hujoomYeh suhane manzar Akhtar muddaton yaad aayenge
Muddaton tadpayengeAah yeh raat, uff yeh mastana nazaron ka hujoom
Yeh baharon ka hujoom