دل و دماغ کو رو لوں گا آہ کر لوں گاتمہارے عشق میں سب کچھ تباہ کر لوں گا
اگر مجھے نہ ملیں تم تمہارے سر کی قسممیں اپنی ساری جوانی تباہ کر لوں گا
مجھے جو دیر و حرم میں کہیں جگہ نہ ملیترے خیال ہی کو سجدہ گاہ کر لوں گا
جو تم سے کر دیا محروم آسماں نے مجھےمیں اپنی زندگی صرف گناہ کر لوں گا
رقیب سے بھی ملوں گا تمہارے حکم پہ میںجو اب تلک نہ کیا تھا اب آہ کر لوں گا
تمہاری یاد میں میں کاٹ دوں گا حشر سے دنتمہارے ہجر میں راتیں سیاہ کر لوں گا
ثواب کے لیے ہو جو گنہ وہ عین ثوابخدا کے نام پہ بھی اک گناہ کر لوں گا
حریم حضرت سلمیٰ کی سمت جاتا ہوںہوا نہ ضبط تو چپکے سے آہ کر لوں گا
یہ نو بہار یہ ابرو، ہوا یہ رنگ شرابچلو جو ہو سو ہو اب تو گناہ کر لوں گا
کسی حسینہ کے معصوم عشق میں اخترؔجوانی کیا ہے میں سب کچھ تباہ کر لوں گا
— اختر شیرانی
Dil-o-dimagh ko ro loon ga aah kar loon gaTumhare ishq mein sab kuchh tabah kar loon ga
Agar mujhe na milein tum tumhare sar ki qasamMain apni saari jawani tabah kar loon ga
Mujhe jo dair o haram mein kahin jagah na miliTere khayal hi ko sajda-gah kar loon ga
Jo tum se kar diya mehroom asman ne mujheMain apni zindagi sirf gunah kar loon ga
Raqeeb se bhi miloon ga tumhare hukm pe mainJo ab talak na kiya tha ab aah kar loon ga
Tumhari yaad mein main kaat doon ga hashr se dinTumhare hijr mein raatein siyah kar loon ga
Sawab ke liye ho jo gunah woh ain-e-sawabKhuda ke naam pe bhi ek gunah kar loon ga
Hareem-e-Hazrat Salma ki simt jaata hoonHawa na zabt toh chupke se aah kar loon ga
Yeh nau-bahar yeh abroo, hawa yeh rang-e-sharabChalo jo ho so ho ab toh gunah kar loon ga
Kisi haseena ke masoom ishq mein AkhtarJawani kya hai main sab kuchh tabah kar loon ga
