آیا ساون کا مہینہ نظر آیا جھولادل کو بھایا مری آنکھوں میں سمایا جھولا
سال بھر رہ کے بہشتوں کی فضا میں مہماںابر کی گود میں بیٹھا ہوا آیا جھولا
چولی دامن کا سا ہے ساتھ گھٹا کا اس کااس طرف آئی گھٹا اس طرف آیا جھولا
رت ہے جھولے کی نہ کیوں آج خدائی جھولےننھی کلیوں کو ہواؤں نے جھلایا جھولا
پینگ بڑھنے لگی آنچل کو گھٹا کے چھونےباغ میں سکھیوں نے اس طرح جھلایا جھولا
جھومتی آتی ہیں مستانہ گھٹائیں کیسیڈھونڈ کر ہے انہیں کس دیس سے لایا جھولا
گیت سن سن کے گھٹائیں بھی بہک اٹھی ہیںمل کے سکھیوں نے کچھ اس دھوم سے گایا جھولا
پھول ہلتے ہیں ادھر شاخ لچکتی ہے ادھریا بہاروں کو ہے قدرت نے جھلایا جھولا
دور پردیس میں ہم کس کو جھلائیں اخترؔحسرت و یاس کا پیغام ہے لایا جھولا
— اختر شیرانی
Aaya saawan ka maheena nazar aaya jhoolaDil ko bhaaya miri aankhon mein samaya jhoola
Saal bhar rah ke behishton ki fiza mein mehmaanAbr ki god mein baitha hua aaya jhoola
Choli daaman ka sa hai saath ghata ka us kaIs taraf aayi ghata is taraf aaya jhoola
Rut hai jhoole ki na kyoon aaj khudayi jhooleNanhi kaliyon ko hawaon ne jhoolaya jhoola
Peeng badhne lagi aanchal ko ghata ke chhooneBagh mein sakhiyon ne is tarah jhoolaya jhoola
Jhoomti aati hain mastana ghatayen kaisiDhoond kar hai unhein kis des se laaya jhoola
Geet sun sun ke ghatayen bhi behak uthi hainMil ke sakhiyon ne kuchh is dhoom se gaaya jhoola
Phool hilte hain idhar shaakh lachakti hai udharYa baharon ko hai qudrat ne jhoolaya jhoola
Door pardes mein hum kis ko jhoolayen AkhtarHasrat-o-yaas ka paigham hai laaya jhoola