سوئے کلکتہ جو ہم بہ دل دیوانہ چلےگنگناتے ہوئے اک شوخ کا افسانہ چلے
شہر سلمیٰ ہے سر راہ گھٹائیں ہم راہساقیا آج تو دور مے و پیمانہ چلے
اس طرح ریل کے ہم راہ رواں ہے بادلساتھ جیسے کوئی اڑتا ہوا مے خانہ چلے
شہر جاناں میں اترنے کی تھی ہم پر قدغنیوں چلے جیسے کوئی شہر سے بیگانہ چلے
گرچہ تنہا تھے مگر ان کے تصور کے نثاراپنے ہمراہ لیے ایک پری خانہ چلے
کھیل امید کے دیکھو کہ نہ کی ان کو خبرپھر بھی ہم منتظر جلوۂ جانانہ چلے
ان کا پیغام نہ لائے ہوں یہ رنگیں بادلورنہ کیوں ساتھ مرے بے خود و مستانہ چلے
گھر سے بہ عشرت شاہانہ ہم آئے تھے مگران کے کوچے سے چلے جب تو فقیرانہ چلے
بادلو خدمت سلمیٰ میں یہ کہہ دو جا کرکہ ترے شہر میں ہم آ کے غریبانہ چلے
حسرت و شوق کے عالم میں چلے یوں اخترؔمسکراتا ہوا جیسے کوئی دیوانہ چلے
— اختر شیرانی
Sue-e-Kalkatta jo hum ba-dil-e-deewana chaleGungunate hue ek shokh ka afsana chale
Shahr-e-Salma hai sar-e-raah ghataein humraahSaqiya aaj to daur-e-mai o paimana chale
Is tarah rail ke humraah rawaan hai baadalSaath jaise koi udata hua mai-khanah chale
Shahr-e-jaanaan mein utarne ki thi hum par qadghanYun chale jaise koi shahr se begana chale
Garchi tanha the magar un ke tasawwur ke nisaarApne humraah liye ek pari-khanah chale
Khel-e-umeed ke dekho ke nah ki un ko khabarPhir bhi hum muntazir-e-jalwa-e-jaanaana chale
Un ka paigham nah laaye hon yeh rangeen baadalWarna kyon saath mere bekhud o mastana chale
Ghar se ba-ishrat-e-shahaana hum aaye the magarUn ke kuche se chale jab to faqirana chale
Baadlo khidmat-e-Salma mein yeh keh do ja karKe tere shahr mein hum aa ke gharibana chale
Hasrat o shauq ke aalam mein chale yun AkhtarMuskurata hua jaise koi deewana chale