میں بظاہر جو بہت سادہ ہوں بے حس نظر آتا ہوں تمھیںایسا دریا ہوں جہاں سطح کے نچےہ چپ چاپ
موجیں شوریدہ ہیں، طوفان اٹھا کرتے ہیںٹھہرا پانی ہوں، مگر اس میں بھنور پڑتے ہیں
زخم سب اپنے چھپائے ہیں، ہنسی کے پیچھےصرف اس واسطے شانوں پہ ردائے تہذیب
ڈالے رہتا ہوں کہ حیواں نہ کہے کوئی مجھےوہ ثقافت جسے کہتے ہیں، اثاثہ، ورنہ
سالہا سال کی محنت ہے جو انسانوں کیمیرے اِک فعل سے غارت نہ کہیں ہو جائے
ورنہ تم سامنے آتی ہو تو سر سے پا تکدوڑ جاتی ہے کبھی آگ سی تیزاب سا اک شعلہ سا
تم کو معلوم ہے اس دور میں میرے دن راتصرف اس واسطے با معنی ہیں تم سامنے ہو
تم کو معلوم ہے یہ گردش ایام مجھےکیوں بھلی لگتی ہے، کیوں دیکھ کے تم کو آنکھیں
مسکرا اٹھتی ہیں، میں شاد نظر آتا ہوںمیں جو اس پھیلی ہوئی دنیا میں یوں جیتا تھا
جیسے یہ بستی نہیں، شہر ہے اک لاشوں کاجس میں انسان نہیں مردے ہیں کفن پہنے ہوئے
اور ان مردوں میں لب سوختہ، میں بھی ہوں کہیںتم نے احساس دلایا نہیں، میں لاش نہیں
اپنی گفتار کی گرمی سے حرارت بخشیمنجمد خون کو دوڑا دیا شریانوں میں
کھینچ لائیں مجھے، تنہائی کی دنیا سے یہاںمیں الف لیلیٰ کا کردار نہیں ہوں کوئی
تم بھی افسانوی محبوبہ نہیں اور نہ تھیںپھر روایاتی ستم کیوں کیا تم نے مجھ پر؟
خود ہی وارفتہ ہوئیں، کھینچ گئیں خود ہی ایسےجیسے میں واقعی اِک لاش ہوں چلتی پھرتی
اب تمھیں دیکھ کے میں دل سے دعا کرتا ہوںلاش بن جاؤں میں، سچ مچ ہی، یہ بیگانہ روی
یہ نیا طرزِ وفا، تم نے جو سیکھا ہے ابھیکچے شیشے کی طرح ٹوٹ کے ریزہ ہو جائے
اور تم مجھ سے ہر اک خوف کو ٹھکراتے ہوئےچیخ کر ایسے لپٹ جاؤ، کلیجہ پھٹ جائے!
— اخترالایمان
Main ba-zahir jo bahut saada hoon be-hiss nazar aata hoon tumheinAisa darya hoon jahan satah ke neeche chup chaap
Maujen shorida hain, toofaan utha karte hainThehra paani hoon, magar is mein bhanwar padte hain
Zakhm sab apne chhupaye hain, hansi ke peechheSirf is waste shanon pe rida-e-tehzeeb
Daale rehta hoon ke haivan na kahe koi mujheWoh saqafat jise kehte hain, asasa, warna
Saal ha saal ki mehnat hai jo insaanon kiMere ek fa'el se gharat na kahin ho jaye
Warna tum saamne aati ho to sar se pa takDaud jati hai kabhi aag si tezab sa ek shola sa
Tum ko maloom hai is daur mein mere din raatSirf is waste ba-ma'ani hain tum saamne ho
Tum ko maloom hai yeh gardish-e-ayyam mujheKyun bhali lagti hai, kyun dekh ke tum ko aankhein
Muskura uthti hain, main shad nazar aata hoonMain jo is phaili hui duniya mein yun jeeta tha
Jaise yeh basti nahin, shahar hai ek lashon kaJis mein insaan nahin murde hain kafan pehne hue
Aur un murdon mein lab sokhta, main bhi hoon kahinTum ne ehsaas dilaya nahin, main lash nahin
Apni guftaar ki garmi se hararat bakhshiMunjamid khoon ko dauda diya shiryanon mein
Kheencha layeen mujhe, tanhai ki duniya se yahanMain Alf Laila ka kirdar nahin hoon koi
Tum bhi afsanvi mehbooba nahin aur na theenPhir riwayati sitam kyun kiya tum ne mujh par?
Khud hi warifta hueen, kheench gayeen khud hi aiseJaise main waqai ek lash hoon chalti phirti
Ab tumhein dekh ke main dil se dua karta hoonLash ban jaaun main, sach much hi, yeh begana ravi
Yeh naya tarz-e-wafa, tum ne jo seekha hai abhiKachche sheeshe ki tarah toot ke reza ho jaye
Aur tum mujh se har ek khauf ko thukrate hueCheekh kar aise lipat jao, kaleja phat jaye!
