نگر نگر کے دیس دیس کے پربت ٹیلے اور بیاباںڈھونڈ رہے ہیں اب تک مجھ کو کھیل رہے ہیں میرے ارماں
میرے سپنے میرے آنسو ان کی چھلنی چھاؤں میں جیسےدھول میں بیٹھے کھیل رہے ہوں بالک باپ سے روٹھے روٹھے!
دن کے اجالے سانجھ کی لالی رات کے اندھیارے سے کوئیمجھ کو آوازیں دیتا ہے آؤ آؤ آؤ آؤ
میری روح کی جوالا مجھ کو پھونک رہی ہے دھیرے دھیرےمیری آگ بھڑک اٹھی ہے کوئی بجھاؤ کوئی بجھاؤ
میں بھٹکا بھٹکا پھرتا ہوں کھوج میں تیری جس نے مجھ کوکتنی بار پکارا لیکن ڈھونڈ نہ پایا اب تک تجھ کو
میرے سنگی میرے ساتھی تیرے کارن چھوٹ گئے ہیںتیرے کارن جگ سے میرے کتنے ناطے ٹوٹ گئے ہیں
میں ہوں ایسا پات ہوا میں پیڑ سے جو ٹوٹے اور سوچےدھرتی میری گور ہے یا گھر یہ نیلا آکاش جو سر پر
پھیلا پھیلا ہے اور اس کے سورج چاند ستارے مل کرمیرا دیپ جلا بھی دیں گے یا سب کے سب روپ دکھا کر
ایک اک کر کے کھو جائیں گے جیسے میرے آنسو اکثرپلکوں پر تھرا تھرا کر تاریکی میں کھو جاتے ہیں
جیسے بالک مانگ مانگ کر نئے کھلونے سو جاتے ہیں!
— اخترالایمان
Nagar nagar ke des des ke parbat teeley aur biyabanDhoondh rahe hain ab tak mujh ko, khel rahe hain mere armaan
Mere sapne, mere aansoo un ki chhalni chhaon mein jaiseDhool mein baithe khel rahe hon balak baap se roothe roothe!
Din ke ujaale, saanjh ki laali, raat ke andhiyare se koiMujh ko aawazein deta hai, aao, aao, aao, aao
Meri rooh ki jwala mujh ko phoonk rahi hai dheere dheereMeri aag bhadak uthi hai, koi bujhao, koi bujhao
Main bhatka bhatka phirta hoon khoj mein teri, jis ne mujh koKitni baar pukara lekin dhoondh na paaya ab tak tujh ko
Mere sangi, mere saathi tere kaaran chhoot gaye hainTere kaaran jag se mere kitne naate toot gaye hain
Main hoon aisa paat hawa mein ped se jo toote aur socheDharti meri gor hai ya ghar? Yeh neela aakaash jo sar par
Phaila phaila hai aur us ke sooraj, chand, sitare mil karMera deep jala bhi denge ya sab ke sab roop dikha kar
Ek ek kar ke kho jaenge jaise mere aansoo aksarPalkon par tharra tharra kar tareeki mein kho jaate hain
Jaise balak maang maang kar naye khilaune so jaate hain!