پہلا منظرسن انیس سو اڑتیس ہے
سردی کی ٹھٹھری راتیں ہیںرات کے کوئی آٹھ بجے ہیں
آج یہ سب گزری باتیں ہیںموری دروازے کے باہر
نشے میں دھت فوجی گورےانگریزی سرکار کے چھورے
تانگے والوں کو پیٹ رہے ہیںتانگے والے گھبرا گھبرا کر
ادھر ادھر سب بھاگ رہے ہیںاور سپاہی آنکھ چرا کر
دوسری جانب دیکھ رہے ہیںچلتے چلتے راہ میں رک کر
میں یہ منظر دیکھ رہا ہوںدوسرا منظر
فتح پوری مسجد کے آگےچاندنی چوک کا لمبا رستہ
لال قلعے تک لے جاتا ہےہاتھ میں تھامے اپنا بستہ
میں مکتب کی سمت رواں ہوںشاہجہاں کے لال قلعے پر
گوروں کا پہرا بیٹھا ہےچاندنی چوک میں دائیں بائیں
گلیوں کوچوں بازاروں میںبجلی کے کھمبوں پر ہر سو
ڈھیروں لڑکے چڑھے ہوئے ہیںاور تاروں کو کاٹ رہے ہیں
پولس گولی چلا رہی ہےچلتے چلتے راہ میں رک کر
میں یہ منظر دیکھ رہا ہوںتیسرا منظر
گورے لندن چلے گئے ہیںمانگیں پوری ہو گئیں آج
نیتا راہنما سب خوش ہیںملک نے پایا ہے سوراج
لال قلعے پر آزادی کاسہہ رنگا پرچم لہرایا
دلی کی گلیوں میں سب نےآزادی کا جشن منایا
لیکن ایکا ایکی جیسےپردہ اٹھا منظر بدلا
دھند سی چھائی ہے ہر جانبجو کچھ ہے سب گدلا گدلا
کوئی نہیں سنتا ہے کسی کیہو گئے لوگ اچانک بہرے
ریلوں میں بے سر کی لاشیںسڑکوں پر بے دھڑ کے چہرے
ہریجن بستی کی کٹیا میںخون سے لت پت لہولہان
کٹیا جیسے اک شمشانگاندھی جی کی لاش پڑی ہے
آزادی کچھ دور کھڑی ہے
— اخترالایمان
Pehla ManzarSan unnees sau adtees hai
Sardi ki thithuri raatein hainRaat ke koi aath baje hain
Aaj yeh sab guzri baatein hainMori Darwaze ke bahar
Nashe mein dhut fauji goreAngrezi Sarkar ke chhore
Taange walon ko peet rahe hainTaange wale ghabra ghabra kar
Idhar udhar sab bhaag rahe hainAur sipaahi aankh chura kar
Doosri jaanib dekh rahe hainChalte chalte raah mein ruk kar
Main yeh manzar dekh raha hoonDoosra Manzar
Fatehpuri Masjid ke aageChandni Chowk ka lamba raasta
Laal Qile tak le jaata haiHaath mein thame apna basta
Main maktab ki simt rawan hoonShahjahan ke Laal Qile par
Goron ka pehra baitha haiChandni Chowk mein dayen bayen
Galiyon kuchon bazaaron meinBijli ke khambhon par har soo
Dheron ladke chadhe hue hainAur taaron ko kaat rahe hain
Police goli chala rahi haiChalte chalte raah mein ruk kar
Main yeh manzar dekh raha hoonTeesra Manzar
Gore London chale gaye hainMaangen poori ho gayin aaj
Neta rehnuma sab khush hainMulk ne paaya hai Swaraaj
Laal Qile par azadi kaSeh-ranga parcham lehraya
Dilli ki galiyon mein sab neAzadi ka jashn manaya
Lekin eka-eki jaiseParda utha manzar badla
Dhund si chhayi hai har jaanibJo kuch hai sab gadla gadla
Koi nahi sunta hai kisi kiHo gaye log achaanak behre
Relon mein be-sar ki laashenSadkon par be-dhad ke chehre
Harijan basti ki kutiya meinKhoon se lat pat lahu-lohaan
Kutiya jaise ek shamshanGandhi Ji ki laash padi hai
Azadi kuch door khadi hai