وسیع شہر میں اک چیخ کیا سنائی دےبسوں کے شور میں ریلوں کی گڑگڑاہٹ میں
چہل پہل میں بھڑوں جیسی بھنبھناہٹ میںکسی کو پکڑو سر راہ مار دو چاہے
کسی عفیفہ کی عصمت اتار دو چاہے!وسیع شہر میں اک چیخ کیا سنائی دے!
عظیم شہر بڑے کاموں کے لیے ہیں میاںوزیر اعلی کی تقریر، لیڈروں کے جلوس
سیاستوں کے مظاہر، خلوص بہر خلوصیہ رت جگوں کی جگہ، ناؤ نوش کا گڑھ ہے
یہ تم سے کس نے کہا علم و ہوش کا گڑھ ہےابھی ابھی شہ قفقاز آئے ہیں دیکھو
معززین عروس البلاد سب مل کرسپاس نامہ انہیں اس طرح کریں گے پیش
کہ جیسے دل کی کلی پھول ہو گئی کھل کرپھر اس کے بعد کسی بینک کے بڑے کرتا
کوئی صفیر کسی دیش کے نئے مکھیامشیر صنعتی منصوبہ بندیوں کے لیے
جتن ثقافتی آئینہ سازیوں کے لیےبڑے پلان، بڑی یوجنا، بڑی باتیں
ضیافتیں، بڑے ہوٹل، بڑی بڑی گھاتیں!عظیم شہر بڑے کاموں کے لیے ہے میاں!
یہاں مزار ہیں ان کے بھی جن کے نام نہیںسنہری شہر کی تسخیر کرنے آئے تھے
انہیں شکم سے بہت دور آگے جانا تھاوہ اس جہان کی تعمیر کرنے آئے تھے!
بڑے دماغ تھے طباع تھے ذہین تھے سبمگر سیاست دنیا میں کم ترین تھے سب
عظیم شہر بڑے کاموں کے لیے ہیں میاںشکست دل کوئی راکٹ ہے جو دکھائی دے
عظیم شہر میں اک چیخ کیا سنائی دے!
— اخترالایمان
Wasee shahar mein ik cheekh kya sunaai deBuson ke shor mein relon ki gadgadaahat mein
Chahal pehal mein bharon jaisi bhanbhanahat meinKisi ko pakdo sar-e-raah maar do chahe
Kisi afeefa ki ismat utaar do chahe!Wasee shahar mein ik cheekh kya sunaai de!
Azeem shahar bade kaamon ke liye hain miyanWazeer-e-aala ki taqreer, leaderon ke juloos
Siyasaton ke mazaahir, khuloos behr-e-khuloosYeh rat-jaghon ki jagah, nao-nosh ka gadh hai
Yeh tum se kis ne kaha ilm-o-hosh ka gadh haiAbhi abhi Shah-e-Qafqaz aaye hain dekho
Muazzizeen-e-Uroos-ul-Bilad sab mil karSipaas naama inhein is tarah karenge pesh
Ke jaise dil ki kali phool ho gayi khul karPhir us ke baad kisi bank ke bade karta
Koi safeer kisi desh ke naye mukhiyaMusheer sanati mansooba bandiyon ke liye
Jatan saqafati aaina saaziyon ke liyeBade plan, badi yojna, badi baatein
Ziyaftain, bade hotel, badi badi ghaatain!Azeem shahar bade kaamon ke liye hai miyan!
Yahan mazaar hain un ke bhi jin ke naam nahinSunahri shahar ki taskheer karne aaye thay
Inhein shikam se bahut door aage jaana thaWoh is jahan ki tameer karne aaye thay!
Bade dimaagh thay tabaa thay zaheen thay sabMagar siyasat duniya mein kamtareen thay sab
Azeem shahar bade kaamon ke liye hain miyanShikast-e-dil koi rocket hai jo dikhai de
Azeem shahar mein ik cheekh kya sunaai de!