ہنس کے فرماتے ہیں وہ دیکھ کے حالت میریکیوں تم آسان سمجھتے تھے محبت میری
بعد مرنے کے بھی چھوڑی نہ رفاقت میریمیری تربت سے لگی بیٹھی ہے حسرت میری
میں نے آغوش تصور میں بھی کھینچا تو کہاپس گئی پس گئی بے درد نزاکت میری
آئینہ صبح شب وصل جو دیکھا تو کہادیکھ ظالم یہ تھی شام کو صورت میری
یار پہلو میں ہے تنہائی ہے کہہ دو نکلےآج کیوں دل میں چھپی بیٹھی ہے حسرت میری
حسن اور عشق ہم آغوش نظر آ جاتےتیری تصویر میں کھنچ جاتی جو حیرت میری
کس ڈھٹائی سے وہ دل چھین کے کہتے ہیں امیرؔوہ مرا گھر ہے رہے جس میں محبت میری
— امیر مینائی
Hans ke farmate hain woh dekh ke haalat meriKyun tum aasaan samajhte the muhabbat meri
Baad marne ke bhi chhodi na rafaaqat meriMeri turbat se lagi baithi hai hasrat meri
Main ne aaghosh-e-tasavvur mein bhi kheencha toh kahaPas gayi pas gayi be-dard nazakat meri
Aaina subh-e-shab-e-vasl jo dekha toh kahaDekh zaalim yeh thi shaam ko soorat meri
Yaar pehlu mein hai tanhayi hai keh do nikleAaj kyun dil mein chhupi baithi hai hasrat meri
Husn aur ishq hum aaghosh nazar aa jaateTeri tasveer mein khinch jaati jo hairat meri
Kis dhitaayi se woh dil chheen ke kehte hain AmeerWoh mera ghar hai rahe jis mein muhabbat meri