ہٹاؤ آئنہ امیدوار ہم بھی ہیںتمہارے دیکھنے والوں میں یار ہم بھی ہیں
تڑپ کے روح یہ کہتی ہے ہجر جاناں میںکہ تیرے ساتھ دل بے قرار ہم بھی ہیں
رہے دماغ اگر آسماں پہ دور نہیںکہ تیرے کوچہ میں مست غبار ہم بھی ہیں
کہو کہ نخل چمن ہم سے سرکشی نہ کریںانہیں کی طرح سے باغ و بہار ہم بھی ہیں
ہمارے آگے ذرا ہو سمجھ کے زمزمہ سنجکہ ایک نغمہ سرا اے ہزار ہم بھی ہیں
کہاں تک آئنے میں دیکھ بھال ادھر دیکھوکہ اک نگاہ کے امیدوار ہم بھی ہیں
شراب منہ سے لگاتے نہیں ہیں اے زاہدفراق یار میں پرہیزگار ہم بھی ہیں
ہمارا نام بھی لکھ لو جو ہے قلم جاریقدیم آپ کے خدمت گزار ہم بھی ہیں
ہما ہیں گرد مری ہڈیوں کے آٹھ پہرسگ آ کے کہتے ہیں امیدوار ہم بھی ہیں
جو لڑکھڑا کے گرے تو قدم پہ ساقی کےامیرؔ مست نہیں ہوشیار ہم بھی ہیں
— امیر مینائی
Hatao aaina, ummeedwaar hum bhi hainTumhare dekhne walon mein yaar hum bhi hain
Tarap ke rooh yeh kehti hai hijr-e-jaana meinKe tere saath dil-e-beqaraar hum bhi hain
Rahe dimaagh agar aasmaan pe door nahinKe tere koocha mein mast-e-ghubaar hum bhi hain
Kaho ke nakhl-e-chaman hum se sarkashi na kareinUnhi ki tarah se baagh-o-bahaar hum bhi hain
Hamare aage zara ho samajh ke zamzama-sanjKe ek naghma-sara, aye hazaar, hum bhi hain
Kahan tak aaine mein dekh bhaal, idhar dekhoKe ik nigaah ke ummeedwaar hum bhi hain
Sharaab munh se lagate nahin hain aye zaahidFiraaq-e-yaar mein parhezgaar hum bhi hain
Hamara naam bhi likh lo jo hai qalam jaariQadeem aap ke khidmat-guzaar hum bhi hain
Huma hain gard meri haddiyon ke aath paharSag aa ke kehte hain ummeedwaar hum bhi hain
Jo larkhara ke gire toh qadam pe saaqi keAmeer-e-mast nahin, hoshiyar hum bhi hain
