میں رو کے آہ کروں گا جہاں رہے نہ رہےزمیں رہے نہ رہے آسماں رہے نہ رہے
رہے وہ جان جہاں یہ جہاں رہے نہ رہےمکیں کی خیر ہو یا رب مکاں رہے نہ رہے
ابھی مزار پر احباب فاتحہ پڑھ لیںپھر اس قدر بھی ہمارا نشاں رہے نہ رہے
خدا کے واسطے کلمہ بتوں کا پڑھ زاہدپھر اختیار میں غافل زباں رہے نہ رہے
خزاں تو خیر سے گزری چمن میں بلبل کیبہار آئی ہے اب آشیاں رہے نہ رہے
چلا تو ہوں پئے اظہار درد دل دیکھوںحضور یار مجال بیاں رہے نہ رہے
امیرؔ جمع ہیں احباب درد دل کہہ لےپھر التفات دل دوستاں رہے نہ رہے
— امیر مینائی
Main ro ke aah karunga jahan rahe na raheZameen rahe na rahe aasman rahe na rahe
Rahe woh jaan-e-jahan yeh jahan rahe na raheMakeen ki khair ho ya Rab makaan rahe na rahe
Abhi mazaar par ahbab fatiha padh leinPhir is qadar bhi hamara nishan rahe na rahe
Khuda ke waaste kalma buton ka padh zaahidPhir ikhtiyar mein ghafil zaban rahe na rahe
Khizan to khair se guzri chaman mein bulbul kiBahar aayi hai ab aashiyan rahe na rahe
Chala to hoon paye izhar-e-dard-e-dil dekhoonHuzoor-e-yaar majal-e-bayan rahe na rahe
Ameer jama' hain ahbab dard-e-dil keh lePhir iltefat-e-dil-e-dostaan rahe na rahe
