تری رہ گزر کو میں یوں چھوڑ آیاکہ اک بے نوا کی تباہی کا تجھ پر نہ الزام آئے
میں سمجھا تھا یوں شہر کی رونقوں میں الجھ کرتری بے نیازی کے آسیب سے بچ رہوں گا
مگر جب کبھی میں سر شام کیفے میں پہنچاتو دیکھا
کہ تو حال کے ایک کونے میں اک میز پر سر جھکائےنہ جانے کسے نامۂ مشکبو لکھ رہا ہے
کبھی مال پر میں نے ٹیکسی جو روکیتو دیکھا
کہ ٹیکسی میں پہلے سے اک آشنا چہرۂ دل نشیں کی ضیا ہےہمیشہ یہ تو تھا
کبھی شام کو میں کسی سنیما حال میں جا کے بیٹھاتو دیکھا
کہ پہلو میں تو ہےکئی بار میں نے تجھے گلشن فاطمہؓ کی ہری گھاس پر بیٹھے دیکھا
کئی بار بازار میں تو مرے ساتھ چلتا رہا دیر تک اورکئی بار تو میرے گھر تک مرے ساتھ آیا
اور اب اپنے تاریک کمرے میں بیٹھا ہوا سوچتا ہوںتری رہ گزر کو میں کیوں چھوڑ آیا
— عرش صدیقی
Terī rahguzar ko maiñ yūñ chhoṛ āyāKi ek be-navā kī tabāhī kā tujh par na ilzām aa.e
Maiñ samjhā thā yūñ shahr kī raunaqoñ meñ ulajh karTerī be-niyāzī ke āseb se bach rahūñgā
Magar jab kabhī maiñ sar-e-shām cafe meñ pahuñchāTo dekhā
Ki tū hāl ke ek kone meñ ek mez par sar jhukā.eNa jāne kise nāma-e-mushk-bū likh rahā hai
Kabhī māl par maiñ ne taxi jo rokīTo dekhā
Ki taxi meñ pahle se ek āshnā chehra dil-nashīñ kī ziyā haiHamesha ye to thā
Kabhī shām ko maiñ kisī cinema hall meñ jā ke baiṭhāTo dekhā
Ki pahlu meñ tū haiKa.ī bār maiñ ne tujhe Gulshan-e-Fāṭima kī harī ghās par baiṭhe dekhā
Ka.ī bār bāzār meñ tū mere sāth chaltā rahā der tak aurKa.ī bār tū mere ghar tak mere sāth āyā
Aur ab apne tārīk kamre meñ baiṭhā huā sochtā hūñTerī rahguzar ko maiñ kyūñ chhoṛ āyā
