انقلابات نے کی امن جہاں پہ جو نظرمسئلہ پیش ہوا، صبر وشکیبائی کا
رنگ یہ دیکھ کے یورپ کے مدبر گھبراۓجلد سامان کیا ، انجمن آرائی کا
بزم تہذیب میں پیدا ہوئی بے چینی سیکچھ حماقت سے چلا زور ، نہ دانائی کا
آسٹریا نے بس اک بار بدل کر پہلومدعا فوت کیا انجمن آراہی کا
جرمنی منتظرِ وقت تھا اک مدت سےاور سبب مل بھی گیا حوصلہ افزائی کا
آسٹریا سے کہا ۔۔ ہو نہ ہراساں دل میںمیں ترے حق میں ہوں مونسِ غم ِ تنہائی کا
جو شمس قہر میں ، جامے گر ہوا یوں باہرفصل گل میں ہو جو عالم کسی سودائی کا
دفعتا چونک پڑا شاہد رعناۓ فرانسچھٹ گیا ہاتھ سے آئینہ خود آراہی کا
دلبری بھول گئے ناز ونزاکت والےآپڑا وقت جو ہاتھوں کی توانائی کا
لب جاں بخش سے برطانیہ کی آئی صداکہ یہی وقت ہے اندازِ مسیحائی کا
ٹالنے سے مگر آئی ہوئی آفت نہ ٹلیہوا انکار نصیحت کی پزیرائی کا
خاکِ برلن سے ہوۓ آگ کے شعلے وہ بلندشفقی رنگ ہوا گنبدِ مینائی کا
امتحاں گاہ نظر آئی مہذب دنیاولولہ بڑھنے لگا معرکہ آرائی کا
سنگ و فولاد بنے ،قلب ،بنی آدم کےخون جائز ہوا بھائی کے لیئے بھائی کا
نہ تو باقی ہے محبت ، مروت، نہ وفاچشمہ آنکھوں سے ہوا دی شناسائی کا
ظالموں نے جو ،کَسی ، ظلم و تعدی پہ کمرنہ کیا پاس حسینوں کی بھی رعنائی کا
پوپ صاحب کی بھی سنتا نہیں کوئی اب تووقت ہے پیش خدا ، ناصیہ فرسائی کا
آرزو خیر طلب ہم تو اسی کے ہوں گےجس کو ہے پاس ، لحاظ اپنی دل آرائ کا
— آرزو لکھنوی
Inqilābāt ne kī amn-e-jahān pe jo nazarMas'ala pesh huā, sabr-o-shakebāī ka
Rang ye dekh ke Europe ke mudabbir ghabrāeJald sāmān kiyā, anjuman-ārāī ka
Bazm-e-tahzeeb mein paidā huī be-chainī sīKuchh hamāqat se chalā zor, na dānāī ka
Austria ne bas ek baar badal kar pehluMudda'a faut kiyā anjuman-ārāhī ka
Germany muntazir-e-waqt tha ek muddat seAur sabab mil bhi gayā hausla-afzāī ka
Austria se kahā .... ho na harāsān dil meinMain tere haq mein huun moonis-e-gham-e-tanhāī ka
Jo shams-e-qehar mein, jāme gar huā yuun bāharFasl-e-gul mein ho jo ālam kisī saudāī ka
Dafatan chaunk paṛā shāhid-e-ra'nā-e-FranceChhuṭ gayā haath se āīna-e-khud-ārāī ka
Dilbarī bhool gaye nāz-o-nazākat waaleAa paṛā waqt jo hāthon kī tawānāī ka
Lab-e-jān-bakhsh se Britain kī āī sadāKe yahī waqt hai andāz-e-masīhāī ka
Ṭālne se magar āī huī āfat na ṭalīHuā inkār nasīhat kī pazīrāī ka
Khāk-e-Berlin se hue āg ke sho'le wo bulandShafaqī rang huā gumbad-e-mīnāī ka
Imtihān-gāh nazar āī muazzab duniyāWalwala baṛhne lagā ma'rika-ārāī ka
Sang-o-foulād bane, qalb, banī ādam keKhoōn jāiz huā bhāī ke li'e bhāī ka
Na to bāqī hai mohabbat, murawwat, na wafāChashma aankhon se huā dī shanāsāī ka
Zālimon ne jo, kasī, zulm-o-ta'addī pe kamarNa kiyā paas haseenon kī bhi ra'nāī ka
Pope sāhab kī bhi suntā nahīn koī ab toWaqt hai pesh-e-khudā, nāsiya-farsāī ka
Aarzoo khair-talab ham to usī ke huun geJis ko hai paas, lihāz apnī dil-ārāī ka
