داستاں وصل کی اک بات سے آگے نہ بڑھیآپ کی شکوہ شکایت سے آگے نہ بڑھی
لاکھ روتی رہی جلتی رہی افسوس مگرزندگی شمع کی اک رات سے آگے نہ بڑھی
تو جفا کیش رہا اور میں وفا کوش رہابات تیری بھی مری بات سے آگے نہ بڑھی
یوں تو آغاز محبت میں بڑے دعوے تھےدوستی پہلی ملاقات سے آگے نہ بڑھی
مل گئے جب وہی شکوے وہی قصے اسعدؔیہ خرافات خرافات سے آگے نہ بڑھی
— اسعد بدایونی
Dastan-e-wasl ki ek baat se aage na badhiAap ki shikwa-shikayat se aage na badhi
Lakh roti rahi jalti rahi afsos magarZindagi shama ki ek raat se aage na badhi
Tu jafa-kesh raha aur main wafa-kosh rahaBaat teri bhi meri baat se aage na badhi
Yun to aaghaz-e-mohabbat mein bade dawe theDosti pehli mulaqat se aage na badhi
Mil gaye jab wahi shikwe wahi qisse AsadYe khurafat khurafat se aage na badhi