یہ لوگ خواب بہت کربلا کے دیکھتے ہیںمگر غنیم کو گردن جھکا کے دیکھتے ہیں
سنا ہے برف رتیں روشنی سے ڈرتی ہیںسو اک چراغ کو ہم بھی جلا کے دیکھتے ہیں
انہیں کہو کہ کبھی جنگلوں کی سمت بھی آئیںجو بستیوں میں کرشمے خدا کے دیکھتے ہیں
جنوں میں کوئی اضافہ نہیں ہے مدت سےغبار جسم بھی اب کے اڑا کے دیکھتے ہیں
یہ دل ہے ٹھہری ہوئی جھیل کی طرح کب سےاب اس میں پھر کوئی پتھر گرا کے دیکھتے ہیں
پھر اک خیال کو زنجیر کر دیا ہم نےپھر ایک نام کو دل سے مٹا کے دیکھتے ہیں
— اسعد بدایونی
Ye log khwab bahut Karbala ke dekhte hainMagar ghaneem ko gardan jhuka ke dekhte hain
Suna hai barf rutein roshni se darti hainSo ek charagh ko hum bhi jala ke dekhte hain
Inhein kaho ke kabhi jangalon ki simt bhi aa'einJo bastiyon mein karishme Khuda ke dekhte hain
Junoon mein koi izafa nahin hai muddat seGhubaar-e-jism bhi ab ke uda ke dekhte hain
Ye dil hai thehri hui jheel ki tarah kab seAb is mein phir koi patthar gira ke dekhte hain
Phir ek khayal ko zanjeer kar diya hum nePhir ek naam ko dil se mita ke dekhte hain