بھول جانا انہیں آسان ہے اے دلتو نے پہلے بھی کئی بار قسم کھائی ہے
درد جب حد سے بڑھا ضبط کا یارا نہ رہاان کی ایک ایک ادا یاد مجھے آئی ہے
وہ تبسم میں نہاں طنز کے میٹھے نشتروہ تکلم میں تغافل کو چھپانے کی ادا
رک کے ہر لمحہ نئی طرح سے آغاز ستمجیسے کچھ کھو کے کسی چیز کو پانے کی ادا
میری خاموشی پہ بے باک نگاہی ان کیجذبۂ شوق کو کچھ اور بڑھانے کی ادا
وہ مسلسل مری باتوں پہ توجہ کی نظررخ پہ مچلی ہوئی زلفوں کو ہٹانے کی ادا
میرے اشعار کو سنتے ہی وہ آنکھوں میں غرورمجھ کو ہر طرح سے دیوانہ بنانے کی ادا
بے خودی دیکھ کے میری وہی بیگانہ رویپاس آ آ کے بہت دور وہ جانے کی ادا
رخصتی لمحوں میں ہونٹوں پہ دعاؤں کا گماںدر پہ رک کر مری خاطر سے وہ جانے کی ادا
آج رہ رہ کے تڑپتا ہوں نئی بات ہے کیادل نے کیوں ترک محبت کی قسم کھائی ہے
وہ ستم لاکھ کریں ان کا تو شیوہ ہے یہیعشق کی ترک محبت میں بھی رسوائی ہے
اب تو جلتے ہوئے جینا ہی پڑے گا اے دل''تو نے خود اپنے کئے کی یہ سزا پائی ہے''
— باقر مہدی
Bhool jaana unhein asaan hai ae dilTu ne pehle bhi kayi baar qasam khaayi hai
Dard jab hadd se badha zabt ka yaara na rahaUn ki ek ek ada yaad mujhe aayi hai
Woh tabassum mein nihaan tanz ke meethe nishtarWoh takallum mein taghaful ko chhupane ki ada
Ruk ke har lamha nayi tarah se aaghaz-e-sitamJaise kuch kho ke kisi cheez ko paane ki ada
Meri khamoshi pe bebaak nigaahi un kiJazba-e-shauq ko kuch aur badhane ki ada
Woh musalsal meri baaton pe tawajjuh ki nazarRukh pe machli hui zulfon ko hatane ki ada
Mere ashaar ko sunte hi woh aankhon mein ghuroorMujh ko har tarah se deewana banane ki ada
Bekhudi dekh ke meri wohi begaana rawiPaas aa aa ke bahut door woh jaane ki ada
Rukhsati lamhon mein honton pe duaon ka gumaanDar pe ruk kar meri khaatir se woh jaane ki ada
Aaj reh reh ke tadapta hun nayi baat hai kyaDil ne kyon tark-e-mohabbat ki qasam khaayi hai
Woh sitam laakh karein un ka to shewa hai yehiIshq ki tark-e-mohabbat mein bhi ruswaai hai
Ab to jalte hue jeena hi padega ae dil''Tu ne khud apne kiye ki yeh saza paayi hai''
