دل جنس محبت کا خریدار نہیں ہےپہلی سی وہ اب صورت بازار نہیں ہے
ہر بار وہی سوچ وہی زہر کا ساغراس پر یہ ستم جرأت انکار نہیں ہے
کچھ اٹھ کے بگولوں کی طرح ہو گئے رقصاںکچھ کہتے رہے راستہ ہموار نہیں ہے
دل ڈوب گیا لذت آغوش سحر میںبیدار ہے اس طرح کہ بیدار نہیں ہے
ہم اس سے متاع دل و جاں مانگ رہے ہیںجو ایک تبسم کا روادار نہیں ہے
یہ سر سے نکلتی ہوئی لوگوں کی فصیلیںدل سے مگر اونچی کوئی دیوار نہیں ہے
دم سادھ کے بیٹھا ہوں اگرچہ مرے سر پراک شاخ ثمر دار ہے تلوار نہیں ہے
دم لو نہ کہیں دھوپ میں چلتے رہو باقیؔاپنے لیے یہ سایۂ اشجار نہیں ہے
— باقی صدیقی
Dil jins-e-mohabbat ka khareedar nahin haiPehli si woh ab surat-e-bazaar nahin hai
Har baar wahi soch wahi zeher ka saagharIs par yeh sitam jurrat-e-inkaar nahin hai
Kuchh uth ke bagulon ki tarah ho gaye raqsaanKuchh kehte rahe rasta hamwaar nahin hai
Dil doob gaya lazzat-e-aaghosh-e-sehar meinBedaar hai is tarah ke bedaar nahin hai
Hum us se mata-e-dil-o-jaan maang rahe hainJo ek tabassum ka rawadar nahin hai
Yeh sar se nikalti hui logon ki faseeleinDil se magar unchi koi deewar nahin hai
Dam saadh ke baitha hoon agarche mere sar parEk shaakh-e-samar-daar hai talwar nahin hai
Dam lo na kahin dhoop mein chalte raho BaqiApne liye yeh saaya-e-ashjaar nahin hai
