یہ نہیں ہے کہ تجھے میں نے پکارا کم ہےمیرے نالوں کو ہواؤں کا سہارا کم ہے
اس قدر ہجر میں کی نجم شماری ہم نےجان لیتے ہیں کہاں کوئی ستارا کم ہے
دوستی میں تو کوئی شک نہیں اس کی پر وہدوست دشمن کا زیادہ ہے ہمارا کم ہے
صاف اظہار ہو اور وہ بھی کم از کم دو بارہم وہ عاقل ہیں جنہیں ایک اشارا کم ہے
ایک رخسار پہ دیکھا ہے وہ تل ہم نے بھیہو سمرقند مقابل کہ بخارا کم ہے
اتنی جلدی نہ بنا رائے مرے بارے میںہم نے ہم راہ ابھی وقت گزارا کم ہے
باغ اک ہم کو ملا تھا مگر اس کو افسوسہم نے جی بھر کے بگاڑا ہے سنوارا کم ہے
آج تک اپنی سمجھ میں نہیں آیا باصرؔکون سا کام ہے وہ جس میں خسارا کم ہے
— باصر سلطان کاظمی
Yeh nahin hai ke tujhe main ne pukara kam haiMere naalon ko hawaon ka sahara kam hai
Is qadar hijr mein ki najm shumari hum neJaan lete hain kahan koi sitara kam hai
Dosti mein to koi shak nahin us ki par wohDost dushman ka zyada hai hamara kam hai
Saaf izhaar ho aur woh bhi kam az kam do baarHum woh aaqil hain jinhein ek ishara kam hai
Ek rukhsar pe dekha hai woh til hum ne bhiHo Samarqand muqabil ke Bukhara kam hai
Itni jaldi na bana raaye mere bare meinHum ne humraah abhi waqt guzara kam hai
Bagh ek hum ko mila tha magar us ko afsosHum ne jee bhar ke bigaada hai sanwara kam hai
Aaj tak apni samajh mein nahin aaya BasirKaun sa kaam hai woh jis mein khasara kam hai
