کب تک پھروں گا ہاتھ میں کاسہ اٹھا کے میںجی چاہتا ہے بھاگ لوں دنیا اٹھا کے میں
ہوتی ہے نیند میں کہیں تشکیل خد و خالاٹھتا ہوں اپنے خواب کا چہرہ اٹھا کے میں
بعد از صدائے کن ہوئی تقسیم ہست و بودپھرتا تھا کائنات اکیلا اٹھا کے میں
کیوں کر نہ سہل ہو مجھے راہ دیار عشقلایا ہوں دشت نجد کا نقشہ اٹھا کے میں
بڑھنے لگا تھا نشۂ تخلیق آب و خاکوہ چاک اٹھا کے چل دیا کوزہ اٹھا کے میں
ہے ساعت وصال کے ملنے پہ منحصرکس سمت بھاگتا ہوں یہ لمحہ اٹھا کے میں
قربت پسند دل کی طبیعت میں تھا تضادخوش ہو رہا ہوں ہجر کا صدمہ اٹھا میں
اب مجھ کو اہتمام سے کیجے سپرد خاکاکتا چکا ہوں جسم کا ملبہ اٹھا کے میں
اچھا بھلا تو تھا تن تنہا جہان میںپچھتا رہا ہوں خلق کا بیڑا اٹھا کے میں
آزرؔ مجھے مدینے سے ہجرت کا حکم تھاصحرا میں لے کے آ گیا خیمہ اٹھا کے میں
— دلاور علی آزر
Kab tak phiroonga haath mein kasa utha ke mainJee chahta hai bhaag loon duniya utha ke main
Hoti hai neend mein kahin tashkeel-e-khadd o khaalUthata hoon apne khwab ka chehra utha ke main
Baad az sada-e-kun hui taqseem-e-hast o boodPhirta tha kainat akela utha ke main
Kyon kar na sehal ho mujhe raah-e-dayar-e-ishqLaya hoon dasht-e-najd ka naqsha utha ke main
Badhne laga tha nasha-e-takhleeq-e-aab o khaakWoh chaak utha ke chal diya kuza utha ke main
Hai saa'at-e-visal ke milne pe munhasirKis simt bhagta hoon yeh lamha utha ke main
Qurbat pasand dil ki tabiyat mein tha tazaadKhush ho raha hoon hijr ka sadma utha main
Ab mujh ko ehtemam se kijiye supurd-e-khaakUkta chuka hoon jism ka malba utha ke main
Achha bhala toh tha tan tanha jahan meinPachhtata raha hoon khalq ka beeda utha ke main
Azar mujhe Madine se hijrat ka hukm thaSehra mein le ke aa gaya khema utha ke main
