بنا دیں گی دنیا کو اک دن شرابییہ بد مست آنکھیں یہ ڈورے گلابی
ہیں قصر محبت کے معمار دونوںنگاہوں کا دھوکا دلوں کی خرابی
یہ کفر مجسم یہ زہد سراپایہ گنجان گیسو یہ روئے کتابی
ہر اک شے میں تم مسکراتے ہو گویاہزاروں حجابوں میں یہ بے حجابی
ابھی تک نگاہوں پہ چھائی ہوئی ہےوہ مستی میں ڈوبی ہوئی نیم خوابی
عبث عشق کو انتظار اثر ہےاثر تک کہاں آہ کی باریابی
بجز اس کے احسانؔ کو کیا سمجھئےبہاروں میں کھویا ہوا اک شرابی
— احسان دانش
Bana den gi dunya ko ek din sharabiYe badmast aankhen, ye daure gulabi
Hain qasr-e-mohabbat ke memaar dononNigahon ka dhoka, dilon ki kharabi
Ye kufr-e-mujassim, ye zuhd sarapaYe gunjaan gesu, ye roo-e-kitabi
Har ek shai mein tum muskurate ho goyaHazaron hijabon mein ye be-hijabi
Abhi tak nigahon pe chhai hui haiWo masti mein doobi hui neem khwabi
Abas ishq ko intezaar-e-asar haiAsar tak kahan aah ki baaryabi
Bajuz is ke Ehsan, ko kya samjhenBaharon mein khoya hua ek sharabi