دل کی رغبت ہے جب آپ ہی کی طرف

Dil ki raghbat hai jab aap hi ki tarafKis liye aankh uthti kisi ki taraf

Kaisi uljhan hai baazi-gah-e-shauq meinHum hain un ki taraf woh kisi ki taraf

Sirf ashk-o-tabassum mein uljhe raheHum ne dekha nahin zindagi ki taraf

Hum jo ghool-e-biyaban se waqif nahinChal diye door ki roshni ki taraf

Deir-o-Kaaba se pyasi jabeenein liyeAa gaye hum teri bandagi ki taraf

Raat dhalte jab un ka khayal aa gayaTik-tiki bandh gayi chandni ki taraf

Jab na qasd-e-khudi ke dareeche khuleAhl-e-dil ho liye be-khudi ki taraf

Hum ne dil ki lagi un se ki thi bayanBaat woh le gaye dil lagi ki taraf

Jada-e-aagahi par badi bheed thiSenkdon mud gaye gumrahi ki taraf

Hain mere halqa-e-ilm mein ba-yaqeenAasmaan ke payam aadmi ki taraf

Un ke jalwon ki jaanib nazar uth gayiMauj thi badh gayi chandni ki taraf

Kaun sa jurm hai kya sitam ho gayaAankh agar uth gayi aap hi ki taraf

Jane woh multafit hon kidhar bazm meinAansuon ki taraf ya hansi ki taraf

Is ke pindaar-e-khud-aagahi par na jaDekh insaan ki be-chargi ki taraf

Apne mahol mein kyon andhera kareinDer tak dekh kar roshni ki taraf

Maut ki raah aasan ho jaayegiPyaar se dekhiye zindagi ki taraf

Hum junoon-mand bhi itne waqif to hainAql ka rukh hai waaraftagi ki taraf

Shayari ki kisi manzil-e-dard meinEk dareecha hai payghambari ki taraf

Jane aankhon ne aankhon se kya kuch kahaZindagi jhuk gayi zindagi ki taraf

Danish inkaar-e-khaliq se hota nahinDekhta hun main jab aadmi ki taraf