جبیں کی دھول جگر کی جلن چھپائے گاشروع عشق ہے وہ فطرتاً چھپائے گا
دمک رہا ہے جو نس نس کی تشنگی سے بدناس آگ کو نہ ترا پیرہن چھپائے گا
ترا علاج شفا گاہ عصر نو میں نہیںخرد کے گھاؤ تو دیوانہ پن چھپائے گا
حصار ضبط ہے ابر رواں کی پرچھائیںملال روح کو کب تک بدن چھپائے گا
نظر کا فرد عمل سے ہے سلسلہ درکاریقیں نہ کر یہ سیاہی کفن چھپائے گا
کسے خبر تھی کہ یہ دور خود غرض اک دنجنوں سے قیمت دار و رسن چھپائے گا
ترا غبار زمیں پر اترنے والا ہےکہاں تک اب یہ بگولہ تھکن چھپائے گا
کھلے گا باد نفس سے جو رخ پہ نیل کنولاسے کہاں ترا اجلا بدن چھپائے گا
ترے کمال کے دھبے ترے عروج کے داغچھپائے گا تو کوئی اہل فن چھپائے گا
جسے ہے فیض مری خانقاہ سے دانشؔوہ کس طرح مرا رنگ سخن چھپائے گا
— احسان دانش
Jabeen ki dhool jigar ki jalan chhupaye gaShuru-e-ishq hai woh fitratan chhupaye ga
Damak raha hai jo nas nas ki tashnagi se badanIs aag ko na tera pairahan chhupaye ga
Tera ilaaj shifa-gah-e-asr-e-nau mein nahinKhirad ke ghao to deewana-pan chhupaye ga
Hisaar-e-zabt hai abr-e-rawaan ki parchhaiyanMalaal-e-rooh ko kab tak badan chhupaye ga
Nazar ka fard-e-amal se hai silsila darkarYaqeen na kar ye siyahi kafan chhupaye ga
Kise khabar thi ke ye daur-e-khudgarz ek dinJunoon se qeemat-e-daar o rasan chhupaye ga
Tera ghubar zameen par utarne wala haiKahan tak ab ye bagoola thakan chhupaye ga
Khule ga baad-e-nafas se jo rukh pe neel kanwalUse kahan tera ujla badan chhupaye ga
Tere kamaal ke dhabbe tere urooj ke daaghChhupaye ga to koi ahl-e-fan chhupaye ga
Jise hai faiz meri khanqah se Danish!Woh kis tarah mera rang-e-sukhan chhupaye ga