نہ سیو ہونٹ نہ خوابوں میں صدا دو ہم کومصلحت کا یہ تقاضا ہے بھلا دو ہم کو
جرم سقراط سے ہٹ کر نہ سزا دو ہم کوزہر رکھا ہے تو یہ آب بقا دو ہم کو
بستیاں آگ میں بہہ جائیں کہ پتھر برسیںہم اگر سوئے ہوئے ہیں تو جگا دو ہم کو
ہم حقیقت ہیں تو تسلیم نہ کرنے کا سببہاں اگر حرف غلط ہیں تو مٹا دو ہم کو
خضر مشہور ہو الیاس بنے پھرتے ہوکب سے ہم گم ہیں ہمارا تو پتا دو ہم کو
زیست ہے اس سحر و شام سے بیزار و زبوںلالہ و گل کی طرح رنگ قبا دو ہم کو
شورش عشق میں ہے حسن برابر کا شریکسوچ کر جرم تمنا کی سزا دو ہم کو
جرأت لمس بھی امکان طلب میں ہے مگریہ نہ ہو اور گنہ گار بنا دو ہم کو
کیوں نہ اس شب سے نئے دور کا آغاز کریںبزم خوباں سے کوئی نغمہ سنا دو ہم کو
مقصد زیست غم عشق ہے صحرا ہو کہ شہربیٹھ جائیں گے جہاں چاہو بٹھا دو ہم کو
ہم چٹانیں ہیں کوئی ریت کے ساحل تو نہیںشوق سے شہر پناہوں میں لگا دو ہم کو
بھیڑ بازار سماعت میں ہے نغموں کی بہتجس سے تم سامنے ابھرو وہ صدا دو ہم کو
کون دیتا ہے محبت کو پرستش کا مقامتم یہ انصاف سے سوچو تو دعا دو ہم کو
آج ماحول کو آرائش جاں سے ہے گریزکوئی دانشؔ کی غزل لا کے سنا دو ہم کو
— احسان دانش
Na siyo honth na khwabon mein sada do hum koMaslehat ka yeh taqaza hai bhula do hum ko
Jurm-e-Suqrat se hat kar na saza do hum koZehar rakha hai to yeh aab-e-baqa do hum ko
Bastiyan aag mein beh jaayen ke patthar barsenHum agar soye hue hain to jaga do hum ko
Hum haqeeqat hain to tasleem na karne ka sababHaan agar harf-e-ghalat hain to mita do hum ko
Khizr mashhoor ho Ilyaas bane phirte hoKab se hum gum hain hamara to pata do hum ko
Zeest hai is sehar-o-sham se bezaar-o-zaboonLala-o-gul ki tarah rang-e-qaba do hum ko
Shorish-e-ishq mein hai husn barabar ka shareekSoch kar jurm-e-tamanna ki saza do hum ko
Jur'at-e-lams bhi imkan-e-talab mein hai magarYeh na ho aur gunahgar bana do hum ko
Kyon na is shab se naye daur ka aaghaz kareinBazm-e-khooban se koi naghma suna do hum ko
Maqsad-e-zeest gham-e-ishq hai sehra ho ke sheharBaith jaayenge jahan chaho bitha do hum ko
Hum chattanein hain koi rait ke sahil to nahinShauq se shehar panahon mein laga do hum ko
Bheed bazar-e-sama'at mein hai naghmon ki bahutJis se tum saamne ubhro woh sada do hum ko
Kaun deta hai mohabbat ko parastish ka muqamTum yeh insaf se socho to dua do hum ko
Aaj mahol ko aaraish-e-jaan se hai gurezKoi Danish ki ghazal la ke suna do hum ko