وفا کا عہد تھا دل کو سنبھالنے کے لئےوہ ہنس پڑے مجھے مشکل میں ڈالنے کے لئے
بندھا ہوا ہے بہاروں کا اب وہیں تانتاجہاں رکا تھا میں کانٹے نکالنے کے لئے
کوئی نسیم کا نغمہ کوئی شمیم کا راگفضا کو امن کے قالب میں ڈھالنے کے لئے
خدا نہ کردہ زمیں پاؤں سے اگر کھسکیبڑھیں گے تند بگولے سنبھالنے کے لئے
اتر پڑے ہیں کدھر سے یہ آندھیوں کے جلوسسمندروں سے جزیرے نکالنے کے لئے
ترے سلیقۂ ترتیب نو کا کیا کہناہمیں تھے قریۂ دل سے نکالنے کے لئے
کبھی ہماری ضرورت پڑے گی دنیا کودلوں کی برف کو شعلوں میں ڈھالنے کے لئے
یہ شعبدے ہی سہی کچھ فسوں گردوں کو بلاؤنئی فضا میں ستارے اچھالنے کے لئے
ہے صرف ہم کو ترے خال و خد کا اندازہیہ آئنہ تو ہیں حیرت میں ڈالنے کے لئے
نہ جانے کتنی مسافت سے آئے گا سورجنگار شب کا جنازہ نکالنے کے لئے
میں پیش رو ہوں اسی خاک سے اگیں گے چراغنگاہ و دل کے افق کو اجالنے کے لئے
فصیل شب سے کوئی ہاتھ بڑھنے والا ہےفضا کی جیب سے سورج نکالنے کے لئے
کنویں میں پھینک کے پچھتا رہا ہوں اے دانشؔکمند تھی جو مناروں پہ ڈالنے کے لئے
— احسان دانش
Wafa ka ahd tha dil ko sambhalne ke liyeWoh hans pade mujhe mushkil mein daalne ke liye
Bandha hua hai baharon ka ab wahin tantaJahan ruka tha main kaante nikalne ke liye
Koi naseem ka naghma koi shameem ka raagFiza ko amn ke qaalib mein dhaalne ke liye
Khuda na kardah zameen paon se agar khiskiBadhein ge tund bagule sambhalne ke liye
Utar pade hain kidhar se ye aandhiyon ke juloosSamundaron se jazere nikalne ke liye
Tere saleeqa-e-tarteeb e nau ka kya kehnaHamein the qarya e dil se nikalne ke liye
Kabhi hamari zarurat pade gi duniya koDilon ki barf ko sholon mein dhaalne ke liye
Ye shobade hi sahi kuch fasoon gardon ko bulaoNayi fiza mein sitare uchhalne ke liye
Hai sirf hum ko tere khaal o khad ka andazaYe aaina to hamein hairat mein daalne ke liye
Na jaane kitni musafat se aayega surajNigar e shab ka janaza nikalne ke liye
Main pesh-rau hoon isi khaak se ugenge chiraghNigah o dil ke ufuq ko ujhalne ke liye
Faseel e shab se koi hath badhne wala haiFiza ki jaib se suraj nikalne ke liye
Kunwein mein phenk ke pachtata raha hoon aye DanishKamand thi jo minaron pe daalne ke liye