وفائیں کر کے جفاؤں کا غم اٹھائے جااسی طرح سے زمانے کو آزمائے جا
کسی میں اپنی صفت کے سوا کمال نہیںجدھر اشارۂ فطرت ہو سر جھکائے جا
وہ لو رباب سے نکلی دھواں اٹھا دل سےوفا کا راگ اسی دھن میں گنگنائے جا
نظر کے ساتھ محبت بدل نہیں سکتینظر بدل کے محبت کو آزمائے جا
خودی عشق نے جس دن سے کھول دیں آنکھیںہے آنسوؤں کا تقاضا کہ مسکرائے جا
نہیں ہے غم تو محبت کی تربیت ناقصحوادث آئیں تو نرمی سے پیش آئے جا
تھی ابتدا میں یہ تادیب مفلسی مجھ کوغلام رہ کے غلامی پہ مسکرائے جا
بدل نہ راہ خرد کے فریب میں آ کرجنوں کے نقش قدم پر قدم بڑھائے جا
امید و یاس میں جینا ہے عشق کا مقصوداسی مقام مقدس پہ تلملائے جا
چمن میں فرصت و تسکیں ہے موت کا پیغامسکوں پسند نہ کر آشیاں بنائے جا
یہی ہے لطف محبت یہی ہے کیف حیاتحقیقتوں کی بنا پر فریب کھائے جا
وفا کا خواب ہے احسانؔ خواب بے تعبیروفائیں کر کے مقدر کو آزمائے جا
— احسان دانش
Wafaen kar ke jafaon ka gham utthaye jaIsi tarah se zamane ko aazmaye ja
Kisi mein apni sifat ke siwa kamaal nahinJidhar ishara-e-fitrat ho sar jhukaye ja
Woh lau rubab se nikli dhuan uttha dil seWafa ka raag isi dhun mein gungunaye ja
Nazar ke saath mohabbat badal nahin saktiNazar badal ke mohabbat ko aazmaye ja
Khudi-e-ishq ne jis din se khol deen aankhenHai aansuon ka taqaza ke muskuraye ja
Nahin hai gham to mohabbat ki tarbiyat naqisHawadis aayen to narmi se pesh aaye ja
Thi ibtida mein ye taadeeb-e-muflisi mujh koGhulam rah ke ghulami pe muskuraye ja
Badal na raah-e-khirad ke fareb mein aa karJunoon ke naqsh-e-qadam par qadam badhaye ja
Ummeed o yaas mein jeena hai ishq ka maqsoodIsi maqam-e-muqaddas pe talmalaye ja
Chaman mein fursat o taskeen hai maut ka paighamSukoon pasand na kar aashiyan banaye ja
Yehi hai lutf-e-mohabbat yehi hai kaif-e-hayatHaqeeqaton ki bina par fareb khaye ja
Wafa ka khwab hai Ehsan! khwab-e-be-ta'abeerWafaen kar ke muqaddar ko aazmaye ja