کمی نہ کی ترے وحشی نے خاک اڑانے میںجنوں کا نام اچھلتا رہا زمانے میں
فراقؔ دوڑ گئی روح سی زمانے میںکہاں کا درد بھرا تھا مرے فسانے میں
جنوں سے بھول ہوئی دل پہ چوٹ کھانے میںفراقؔ دیر ابھی تھی بہار آنے میں
وہ کوئی رنگ ہے جو اڑ نہ جائے اے گل تروہ کوئی بو ہے جو رسوا نہ ہو زمانے میں
وہ آستیں ہے کوئی جو لہو نہ دے نکلےوہ کوئی حسن ہے جھجکے جو رنگ لانے میں
یہ گل کھلے ہیں کہ چوٹیں جگر کی ابھری ہیںنہاں بہار تھی بلبل ترے ترانے میں
بیان شمع ہے حاصل یہی ہے جلنے کافنا کی کیفیتیں دیکھ جھلملانے میں
کسی کی حالت دل سن کے اٹھ گئیں آنکھیںکہ جان پڑ گئی حسرت بھرے فسانے میں
اسی کی شرح ہے یہ اٹھتے درد کا عالمجو داستاں تھی نہاں تیرے آنکھ اٹھانے میں
غرض کہ کاٹ دیے زندگی کے دن اے دوستوہ تیری یاد میں ہوں یا تجھے بھلانے میں
ہمیں ہیں گل ہمیں بلبل ہمیں ہوائے چمنفراقؔ خواب یہ دیکھا ہے قید خانے میں
— فراق گورکھپوری
Kami na ki tere wahshi ne khaak udaane meinJunoon ka naam uchhalta raha zamane mein
Firaq! daud gayi rooh si zamane meinKahan ka dard bhara tha mere fasane mein
Junoon se bhool hui dil pe chot khane meinFiraq! dair abhi thi bahar aane mein
Wo koi rang hai jo ud na jaaye aye gul-e-tarWo koi boo hai jo ruswa na ho zamane mein
Wo aasteen hai koi jo lahu na de nikleWo koi husn hai jhijke jo rang laane mein
Yeh gul khile hain ke chotein jigar ki ubhri hainNihan bahar thi bulbul tere tarane mein
Bayaan-e-shama hai hasil yehi hai jalne kaFana ki kaifiyatein dekh jhilmilane mein
Kisi ki halat-e-dil sun ke uth gayin aankheinKe jaan pad gayi hasrat bhare fasane mein
Usi ki sharh hai yeh uthte dard ka aalamJo dastaan thi nihan tere aankh uthane mein
Gharaz ke kaat diye zindagi ke din aye dostWo teri yaad mein hoon ya tujhe bhulane mein
Hamein hain gul hamein bulbul hamein hawa-e-chamanFiraq! khwab yeh dekha hai qaid-khane mein