نرم فضا کی کروٹیں دل کو دکھا کے رہ گئیںٹھنڈی ہوائیں بھی تری یاد دلا کے رہ گئیں
شام بھی تھی دھواں دھواں حسن بھی تھا اداس اداسدل کو کئی کہانیاں یاد سی آ کے رہ گئیں
مجھ کو خراب کر گئیں نیم نگاہیاں تریمجھ سے حیات و موت بھی آنکھیں چرا کے رہ گئیں
حسن نظر فریب میں کس کو کلام تھا مگرتیری ادائیں آج تو دل میں سما کے رہ گئیں
تب کہیں کچھ پتہ چلا صدق و خلوص حسن کاجب وہ نگاہیں عشق سے باتیں بنا کے رہ گئیں
تیرے خرام ناز سے آج وہاں چمن کھلےفصلیں بہار کی جہاں خاک اڑا کے رہ گئیں
پوچھ نہ ان نگاہوں کی طرفہ کرشمہ سازیاںفتنے سلا کے رہ گئیں فتنے جگا کے رہ گئیں
تاروں کی آنکھ بھی بھر آئی میری صدائے درد پران کی نگاہیں بھی ترا نام بتا کے رہ گئیں
اف یہ زمیں کی گردشیں آہ یہ غم کی ٹھوکریںیہ بھی تو بخت خفتہ کے شانے ہلا کے رہ گئیں
اور تو اہل درد کون سنبھالتا بھلاہاں تیری شادمانیاں ان کو رلا کے رہ گئیں
یاد کچھ آئیں اس طرح بھولی ہوئی کہانیاںکھوے ہوئے دلوں میں آج درد اٹھا کے رہ گئیں
ساز نشاط زندگی آج لرز لرز اٹھاکس کی نگاہیں عشق کا درد سنا کے رہ گئیں
تم نہیں آئے اور رات رہ گئی راہ دیکھتیتاروں کی محفلیں بھی آج آنکھیں بچھا کے رہ گئیں
جھوم کے پھر چلیں ہوائیں وجد میں آئیں پھر فضائیںپھر تری یاد کی گھٹائیں سینوں پہ چھا کے رہ گئیں
قلب و نگاہ کی یہ عید اف یہ مآل قرب و دیدچرخ کی گردشیں تجھے مجھ سے چھپا کے رہ گئیں
پھر ہیں وہی اداسیاں پھر وہی سونی کائناتاہل طرب کی محفلیں رنگ جما کے رہ گئیں
کون سکون دے سکا غم زدگان عشق کوبھیگتی راتیں بھی فراقؔ آگ لگا کے رہ گئیں
— فراق گورکھپوری
Narm fiza ki karwatein dil ko dikha ke reh gayinThandi hawaein bhi teri yaad dila ke reh gayin
Shaam bhi thi dhuaan dhuaan husn bhi tha udaas udaasDil ko kai kahaniyan yaad si aa ke reh gayin
Mujh ko kharab kar gayin neem-nigahiyan teriMujh se hayat-o-maut bhi aankhein chura ke reh gayin
Husn-e-nazar-fareb mein kis ko kalaam tha magarTeri adaaein aaj to dil mein sama ke reh gayin
Tab kaheen kuchh pata chala sidq-o-khuloos-e-husn kaJab wo nigahein ishq se baatein bana ke reh gayin
Tere khiraam-e-naaz se aaj wahan chaman khileFaslein bahar ki jahan khaak uda ke reh gayin
Pooch na un nigahon ki turfa karishma-saaziyanFitne sula ke reh gayin fitne jaga ke reh gayin
Taaron ki aankh bhi bhar aayi meri sada-e-dard parUnki nigahein bhi tera naam bata ke reh gayin
Uff yeh zameen ki gardishein aah yeh gham ki thokareinYeh bhi to bakht-e-khufta ke shaane hila ke reh gayin
Aur to ahl-e-dard kaun sambhalta bhalaHaan teri shadmaniyan un ko rula ke reh gayin
Yaad kuchh aayeen is tarah bhooli hui kahaniyanKhoye hue dilon mein aaj dard utha ke reh gayin
Saaz-e-nishaat-e-zindagi aaj laraz laraz uthaKis ki nigahein ishq ka dard suna ke reh gayin
Tum nahin aaye aur raat reh gayi raah dekhtiTaaron ki mehfilein bhi aaj aankhein bichha ke reh gayin
Jhoom ke phir chalein hawaein wajd mein aayeen phir fizaaeinPhir teri yaad ki ghataein seenaon pe chha ke reh gayin
Qalb-o-nigah ki yeh Eid uff yeh maal-e-qurb-o-deedCharkh ki gardishein tujhe mujh se chhupa ke reh gayin
Phir hain wahi udasiyan phir wahi sooni kaainaatAhl-e-tarab ki mehfilein rang jama ke reh gayin
Kaun sukoon de saka gham-zadgaan-e-ishq koBheegti raatein bhi Firaq! aag laga ke reh gayin