کوئی چارہ نہیں دعا کے سواکوئی سنتا نہیں خدا کے سوا
مجھ سے کیا ہو سکا وفا کے سوامجھ کو ملتا بھی کیا سزا کے سوا
برسر ساحل مراد یہاںکوئی ابھرا ہے ناخدا کے سوا
کوئی بھی تو دکھاؤ منزل پرجس کو دیکھا ہو رہ نما کے سوا
دل سبھی کچھ زبان پر لایااک فقط عرض مدعا کے سوا
کوئی راضی نہ رہ سکا مجھ سےمیرے اللہ تری رضا کے سوا
بت کدے سے چلے ہو کعبے کوکیا ملے گا تمہیں خدا کے سوا
دوستوں کے یہ مخلصانہ تیرکچھ نہیں میری ہی خطا کے سوا
مہر و مہ سے بلند ہو کر بھینظر آیا نہ کچھ خلا کے سوا
اے حفیظؔ آہ آہ پر آخرکیا کہیں دوست واہ وا کے سوا
— حفیظ جالندھری
Koi chara nahin dua ke sivaKoi sunta nahin Khuda ke siva
Mujh se kya ho saka wafa ke sivaMujh ko milta bhi kya saza ke siva
Bar-sar-e-sahil-e-murad yahanKoi ubhra hai nakhuda ke siva
Koi bhi to dikhao manzil parJis ko dekha ho rehnuma ke siva
Dil sabhi kuchh zaban par layaEk faqat arz-e-muddaa ke siva
Koi raazi na reh saka mujh seMere Allah teri raza ke siva
But-kade se chale ho Kaabe koKya milega tumhein Khuda ke siva
Doston ke yeh mukhlisana teerKuchh nahin meri hi khata ke siva
Mehr-o-mah se buland ho kar bhiNazar aaya na kuchh khala ke siva
Aye Hafeez aah aah par aakhirKya kahin dost wah wah ke siva
