حسرت جلوۂ دیدار لیے پھرتی ہےپیش روزن پس دیوار لیے پھرتی ہے
اس مشقت سے اسے خاک نہ ہوگا حاصلجان عبث جسم کی بیکار لیے پھرتی ہے
دیکھنے دیتی نہیں اس کو مجھے بے ہوشیساتھ کیا اپنے یہ دیوار لیے پھرتی ہے
کسی فاسق کے تو منہ کو نہ کرے گی کالاکیوں سیاہی یہ شب تار لیے پھرتی ہے
تو نکلتا نہیں شمشیر بکف اے قاتلموت میرے لیے تلوار لیے پھرتی ہے
مال مفلس مجھے سمجھا ہے جنوں نے شایدوحشت دل سر بازار لیے پھرتی ہے
کعبہ و دیر میں وہ خانہ برانداز کہاںگردش کافر و دیں دار لیے پھرتی ہے
رنج لکھا ہے نصیبوں میں مرے راحت سےخواب میں بھی ہوس یار لیے پھرتی ہے
چال میں اس کی سراپا ہے کسی کی تقلیدکبک کو یار کی رفتار لیے پھرتی ہے
در یار آئے ٹھکانے لگے مٹی میریدوش پر اپنے صبا بار لیے پھرتی ہے
ہنستے ہیں دیکھ کے مجنوں کو گل صحرائیپا برہنہ طلب خار لیے پھرتی ہے
سایہ سا حسن کے ہمراہ ہے عشق بے باکساتھ یہ جنس خریدار لیے پھرتی ہے
کسی صورت سے نہیں جاں کو فرار اے آتشؔتپش دل مجھے لاچار لیے پھرتی ہے
— حیدر علی آتش
Hasrat-e jalwa-e didar liye phirti haiPesh-e rozan pas-e deewar liye phirti hai
Is mashaqqat se use khak na hoga hasilJaan-e abas jism ki bekar liye phirti hai
Dekhne deti nahin us ko mujhe be-hoshiSaath kya apne yeh deewar liye phirti hai
Kisi fasiq ke to munh ko na kare gi kalaKyun siyahi yeh shab-e taar liye phirti hai
Tu nikalta nahin shamshir-bakaf aye qatilMaut mere liye talwar liye phirti hai
Maal-e muflis mujhe samjha hai junoon ne shayadWahshat-e dil sar-e bazaar liye phirti hai
Ka'aba o dair mein woh khana-bar-andaz kahanGardish-e kafir o deen-dar liye phirti hai
Ranj likha hai naseebon mein mere rahat seKhwab mein bhi havas-e yaar liye phirti hai
Chaal mein us ki sarapa hai kisi ki taqleedKabk ko yaar ki raftar liye phirti hai
Dar-e yaar aaye thikane lage miTTi meriDosh par apne saba baar liye phirti hai
Hanste hain dekh ke majnoon ko gul-e sahraiPa-barahana talab-e khar liye phirti hai
Saya sa husn ke hamrah hai ishq be-baakSaath yeh jins-e khareedar liye phirti hai
Kisi surat se nahin jaan ko firar aye AtishؔTapish-e dil mujhe lachar liye phirti hai
